(ភ្នំពេញ) វិទ្យុបារាំងបានចុះផ្សាយកាលពីថ្ងៃទី២៩ ខែធ្នូ ឆ្នាំ២០១៨នេះ ថា ជម្លោះដីធ្លីកាត់បន្ថយយ៉ាងច្រើន ស្ទើរតែរកទិន្ន័យមិនបាន សម្រាប់អណត្តិឯកឧត្តម ជា សុផារ៉ា រហូតមកដល់បច្ចុប្បន្ន តាំងពីឯកឧត្តម ជា សុផារ៉ា ឡើងធ្វើជារដ្ឋមន្ត្រីក្រសួងរៀបចំដែនដីមក បញ្ជាទំនាស់ដីត្រូវកាត់បន្ថយ ។
វេបសាយNCNDialy សូមធ្វើការផ្សាយបន្តពីវិទ្យុបារាំងRFIដូចតទៅ មជ្ឈមណ្ឌលសិទ្ធិមនុស្សកម្ពុជា បានចេញកំណត់ត្រាសង្ខេបមួយនៅថ្ងៃទី២០ធ្នូ ដោយធ្វើការសិក្សាទៅលើករណីជម្លោះដីធ្លី៣កន្លែងសំខាន់ៗ ក្នុងនោះពាក់ព័ន្ធនឹងតំបន់សេដ្ឋកិច្ចពិសេសផងដែរ។ ប៉ុន្តែ វណ្ណ សុផាត អ្នកសម្របសម្រួលគម្រោងធុរកិច្ច និងសិទ្ធិមនុស្សនៃមជ្ឈមណ្ឌលសិទ្ធិមនុស្សកម្ពុជា បានលើកឡើងថា តាំងពីឯកឧត្តម ជា សុផារ៉ា ឡើងមកធ្វើជារដ្ឋមន្រ្តីក្រសួងរៀបចំដែនដីមក ជម្លោះដីធ្លីត្រូវបានកាត់បន្ថយ តែលោកថាពិបាកស្វែងរកតួលេខមកបញ្ជាក់(អត្ថបទដោយ ដោយ អ៊ឹង ប៊ុនថន) ។
សូមបញ្ជាក់ថា ឯកឧត្តម ជា សុផារ៉ា បច្ចុប្បន្នជាឧបនាយករដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ហើយដែលទើបនឹងបានបោះឆ្នោតជាសមាជិកគណៈកម្មការ
អចិន្ត្រៃគណបក្សប្រជាជនកាលពីកន្លងទៅថ្មីនេះ ។ ហើយមហាជនក៏បានស្គាល់ឯកឧត្តម តាមរយៈកាលប្រើប្រាស់ កាន់ក្តាប់ដៃដែកក្នុងកាដោះស្រាយទំនាស់ដីធ្លី នៅក្នុងប្រទេសផងដែរ ៕
