រឿងហួសចិត្ត!បុរសម្នាក់ស្រវឹងស្រា ចុះងូតទឹកក្នុងអាងរង្វង់មូលនាងមឆ្ឆា (រង្វង់មូលផ្សាដើមថ្កូវ)បណ្ដាលឲ្យលង់ទឹកត្រឹមចង្កេះស្លាប់

ភ្នំពេញ៖ ហេតុការណ៍នេះបានកើតឡើងកាលពីវេលាម៉ោង០២ និង១៥នាទីរំលងអធ្រាត្រ ឈានចូលថ្ងៃទី១៣ ខែធ្នូ ឆ្នាំ២០១៨ នៅចំណុចរង្វង់មូលនាងមឆ្ឆារ (រង្វង់មូលផ្សាដើមថ្កូវ) ក្នុងសង្កាត់ផ្សាដើមថ្កូវ ខណ្ឌចំកាមន រាជធានីភ្នំពេញ។ ជនរងគ្រោះនៅមិនទាន់ស្គាល់អត្តសញ្ញាណនៅឡើយទេ។

ប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញបុរសខាងលើមកអង្គុយនៅកន្លែងកើតហេតុក្នុងលក្ខណះស្រវឹងស្រា បានមួយសន្ទុះក្រោយមកស្រាប់តែឃើញជនខាងលើលង់ទឹកស្លាប់តែម្ដង ហើយប្រភពខ្លះទៀតបានឲ្យដឹងថា គាត់ស្រវឹងស្រាហើយចុះងូតទឹកទើបបណ្ដាលឲ្យស្លាប់បែបនេះ។

ក្រោយពីកើតហេតុ សមត្ថកិច្ចមូលដ្ឋានបានចុះមកធ្វើកំណត់ហេតុ រួចហៅរថយន្ដសាមុយដឹកសពជនរងគ្រោះទៅដំកល់នៅវត្តសន្សំកុសល់ដើម្បីរងចាំសាច់ញាតិមកចាត់ចែងធ្វើបុណ្យតាមប្រពៃណី៕