ភ្នំពេញ៖ នៅព្រឹកថ្ងៃទី២៩ ខែសីហា ឆ្នាំ២០១៩ នៅទីស្ដី ការក្រសួងមហាផ្ទៃនេះ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានមានប្រសាសន៍ថា ប្រជាពលរដ្ឋមុននឹងផ្ញើសេចក្តី ទុក ចិត្តលើមីក្រូហិរញ្ញវត្ថុណាមួយ សុំធ្វើការសិក្សាស្រាវជ្រាវឲ្យបានច្បាស់លាស់ជាមុន សិន ហើយបើសិន ជាគ្មានលទ្ធភាពសិក្សាស្រាវជ្រាវនោះទេគាត់ ទៅពឹងពាក់អាជ្ញាធរ សួរនាំអំពីប្រវត្តិរបស់អង្គការដែល ទៅចងការប្រាក់ ហើយអង្គការនោះត្រឹមត្រូវឬមិនត្រឹមត្រូវ ហើយចាំគាត់ទំនាក់ ទំនងនិង សហ ប្រតិបត្តិការ ជាមួយអង្គការនោះ។ ការថ្លែងបញ្ជាក់នេះ ធ្វើឡើងនៅក្នុងវេទិកាស្ដីពីភាពជាដៃគូរវាងរាជរដ្ឋាភិបាល និងអង្គការសមាគមលើកទី៣
សម្ដេច ស ខេង បានបញ្ជាក់ថា មានអង្គការក្រៅរដ្ឋាភិបាលមួយចំនួនបានចុះបញ្ជីនៅក្រសួងមហាផ្ទៃ តែបែរជាទៅធ្វើសកម្មភាពដូចជាធនាគារឱ្យប្រជាពលរដ្ឋចង់ការប្រាក់ ហើយទៅបោកយកលុយប្រជាពលរដ្ឋរួចរត់គេចខ្លួនបាត់ ។ ហើយក្រសួងមហាផ្ទៃក៏បានលុបឈ្មោះអង្គការសង្គមស៊ីវិលមួយចំនួនចេញពីបញ្ជីគឺដោយសារតែអង្គការសាមីបានស្នើសុំលុបដោយខ្លួនឯង តែមានអង្គការមួយចំនួន ដែលផ្ដាច់ក្រសួងមហាផ្ទៃបានលុបឈ្មោះ គឺដោយសារតែមិនបានបំពេញតាមកាតព្វកិច្ចតាមផ្លូវច្បាប់ ។
ជាមួយគ្នានេះ រដ្ឋមន្រដ្ឋមន្រ្តីក្រសួងមហាផ្ទៃ ក៏បាននអំពាវនាវទៅដល់សមាគមអង្គការមិនមែនរដ្ឋាភិបាល បន្តសកម្មភាពរបស់ខ្លួន ឲ្យបានត្រឹមត្រូវ ស្របតាមបទប្បញ្ញត្តិនៃច្បាប់ ស្ដីពីសមាគមនិងអង្គការមិនមែនរដ្ឋាភិបាល ច្បាប់និងលិខិតគតិយុត្តិនានា ដែលមានជាធរមាននិងដែលមានការពាក់ព័ន្ធ។ សម្ដេច ក៏បានលើកឡើងថា ទាក់ទង់និងករណីខាងលើនេះដែរ មន្ត្រីសមត្ថកិច្ចកំពុងតែធ្វើការស្រាវជ្រាវ និងចាប់ខ្លួនដើម្បីយកមកផ្ដន្ទាទោស ហើយមន្ត្រីដែលបានបោកប្រាស់ប្រជាពលរដ្ឋកន្លងមកត្រូវបានចាប់ខ្លួនជាបន្តបន្ទាប់៕
ដក់ស្រង់ពី ខ្លី ខ្លី
កែសម្រួលដោយ : NCNDaily
