ឧត្តរមានជ័យ៖ ប្រទះឃើញសាកសពបុរសម្នាក់ ធ្វើអត្តឃាតចង.ក សម្លាប់ខ្លួន នៅល្ងាចថ្ងៃទី២៤ ខែវិច្ឆិកា ឆ្នាំ២០១៨ នៅចំណុចចំការដំឡូង ដឺថ្លុកកណ្តោល ខាងត្បូងឈាងខាងកើតភូមិពងទឹក ចំងាយ ៧០០ម៉ែត្រ ក្នុងក្រុងសំរោង ខេត្តឧត្តរមានជ័យ។
សាកសពឈ្មោះ សុភា រ៉ាមី ភេទប្រុស អាយុ២២ឆ្នាំ រស់នៅភូមិភ្លង់ចាស់ សង្កាត់បុស្បូវ ក្រុងសំរោង ខេត្តឧត្តរមានជ័យ បានយកខ្សែបន្តោងកូនសោរម៉ូតូមកចង.កសម្លាប់ខ្លួន នៅមែកឈើ ដើមស្ទាវ ចំណុចកើតហេតុ ។
ឪពុកស្តីបន្ទោសសាកសព ឈប់ឲ្យទាក់ទងស្រឡាញ់គ្នាជាមួយកូនអ្នកភូមិចេកក្បូរ ព្រោះកូនស្រីគេនៅក្មេង។ លុះព្រឹកឡើងសាកសពក៏ចេញទៅភ្ជួរនៅភូមិរាជន្ទល់ ឃុំស្រែខ្វាវ ស្រុកអង្គរជុំ ខេត្តសៀមរាប រហូតដល់ថ្ងៃទី២៤ ខែវិច្ឆិកា ឆ្នាំ២០១៨ ម៉ោង៥ព្រឹក សាកសពបានចុចទូរស័ព្ទមកប្រាប់ឪពុកថា គាត់ឈប់ភ្ជួរ ត្រឡប់ទៅផ្ទះវិញហើយ តែមិនបានឃើញសាកសពមកផ្ទះទេ លុះនៅម៉ោង៥ល្ងាច ស្រាប់តែមានអ្នកភូមិប្រាប់ថាឃើញម៉ូតូរបស់បងខ្លួន (សាកសព) ចតទុកនៅចំការខាងត្បូងភូមិពងទឹក។
ភ្លាមនោះរូបខ្លួនក៏រត់ទៅមើលហើយឃើញស្នាមដានជើងដើរចេញពីម៉ូតូ រូបខ្លួនក៏ដើរតាមរក ហើយបានឃើញបងខ្លួនចង.ក ស្លាប់បាត់ទៅហើយ ។ បន្ទាប់មកខ្លួនក៏រាយការណ៍ជូនសមត្ថកិច្ច ។
សាកសពស្លាប់ដោយសារធ្វើ អត្តឃាត (ចង.ក)ពិតប្រាកដមែន ព្រោះខឹងឪពុកហាមមិនឲ្យទាក់ទងមនុស្សស្រីដែលខ្លួនស្រឡាញ់។ សាកសពបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
ប្រភព៖ Heng Ly
