ខេត្តក្រចេះ៖ ព័ត៌មានបឋមបានអោយដឹងថា នៅវេលាម៉ោង១២ៈ១៥នាទី ថ្ងៃទី៧ខែវិច្ឆកាឆ្នាំ២០១៨នេះ មានរថយន្តយីឌុបដឹកដំឡូងមួយគ្រឿងបានរេចង្កូតក្រឡាប់នៅត្រង់ចំនុចភូមិជើងឃ្លេ ឃុំ២ធ្នូ ស្រុកស្នួល ខេត្តក្រចេះ។
ហេតុការណ៍នេះបណ្តាលធ្វើឲ្យកម្មករដកដំឡូងមនុស្សជិះរងរបួស ស្រលនិងធ្ងន់សរុបទាំងអស់ចំនួន២៨នាក់ របួសធ្ងន់ម្នាក់និងបញ្ជូនទៅមន្ទីរពេទ្យបង្អែកស្រុកស្នួលចំនួន៥នាក់ក្នុងចំណោមអ្នកជិះ២៨នាក់។
តាមការសាកសួរពីមន្ត្រីប៉ូលិសនគរបាលឃុំ២ធ្នូទៅជនរងគ្រោះ បានបញ្ជាក់ប្រាប់បណ្តាលមកពីតាកុងឡានលើកទូរស័ព្ទនិយាយទើបរេចង្កូតធ្វើឲ្យរថយន្តនោះក្រឡាប់ភ្លាមៗនៅនឹងកន្លែងកើតហេតុខាងលើនោះ។
ហេតុនេះអាជ្ញាធរស្រុកនិងសមត្ថកិច្ចដែលឈរជើងនៅគោលដៅនោះជួយចាត់ចែងរៀបចំដោយយកចិត្តទុកដាក់ចំពោះហេតុកានេះកើតឡើង ៕
