(ភ្នំពេញ) កាលពីព្រឹកថ្ងៃទី១ ខែវិច្ឆិកា ឆ្នាំ២០១៨នេះនៅវិទ្យាល័យបឹងប្រិយ៍ បានបើកបវេសនកាលថ្មី ២០១៨-២០១៩ដោយមានការអញ្ជើញ ចូលរួមពីសំណាក់លោក សុខ សម្បត្តិ អភិបាលខណ្ឌព្រែកព្នៅ និង និង លោក ឈួន ឆាំ ចៅសង្កាត់ពន្សាំង លោកមន្រ្តីសាលា ខណ្ឌព្រែកព្នៅ សាលាសង្កាត់ យុវជន .ស.ស.យ.ក.តាមបណ្ដាសង្កាត់ពន្សាំង លោកគ្រូ អ្នកគ្រូ អាណាព្យាបាលសិស្ស ព្រមទាំងក្មួយៗសិស្សានុសិស្សជាច្រើននាក់ផងដែរ។ ហើយលោកអភិបាល ក៏បាននាំយកនូវថវិកាចំនួន១ លានរៀល ឧបត្ថម្ភដល់វិទ្យាល័យបឹងប្រិយ៍ និងសាលាបឋមប្រឹងប្រិយ៍ផងដែរ។
ស្ថិតក្នុងពិធីបើកបវេសនកាលឆ្នាំសិក្សាថ្មីនេះដែរគណៈអធិបតីក៏បានអានសារលិខិតរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានយ៉ាងក្បោះក្បាយជូន ដល់អង្គពិធីទាំងមូលបានស្ដាប់យល់ដឹងគ្រប់ៗគ្នា ព្រមទាំងមានប្រសាសន៍សំណេះសំណាល ជាមួយសិស្សានុសិស្ស និងផ្ដល់នូវអនុសាសន៍ និងដំបូន្មានល្អៗ ដល់ក្មួយៗជាសិស្សានុសិស្ស ឲ្យខិតខំប្រឹងប្រែងសិក្សារៀនសូត្រ ក្លាយខ្លួនជាសិស្សពូកែ សិស្សល្អ កូនល្អដែលជាទំពាំងស្នងឫស្សីនៃប្រទេសជាតិ ហើយត្រូវនាំគ្នាគោរពវិន័យ សាលានិងខិតខំត្រងត្រាប់ស្ដាប់ការណែនាំពន្យល់ បង្ហាត់បង្រៀនពីសំណាក់លោកគ្រូ អ្នកគ្រូ ដើម្បីក្រេបយកចំណេះដឹងល្អៗ ព្រោះវិស័យអប់រំ គឺជាវិស័យអទិភាពដូចនេះ ស្នើរដល់ក្មួយៗជាសិស្សានុសិស្សទាំងអស់ត្រូវ តែខិតខំសិក្សារៀនសូត្រដើម្បីជា ទំពាំងស្នងឫស្សីនិងជាសរសរទ្រូងនៃប្រទេសជាតិផងដែរ។
ឆ្លៀតក្នុងឱកាសនោះលោក សុខ សម្បត្តិ អភិបាលខន្ឌព្រែកព្នៅក៏ បានស្នើរដល់ក្មួយៗ ជាសិស្សានុសិស្សទាំងអស់ ត្រូវឆ្លើយថាទេចំពោះគ្រឿងញៀន ពោលគឺការប្រើប្រាស់គ្រឿងញៀន នាំអោយខូចសុខភាព និងខូចអនាគតយើងផងដែរ៕
