(សៀមរាប)៖ កាលពីយប់ថ្ងៃទី១៨ ខែតុលា ឆ្នាំ២០១៨នេះ កម្លាំងសមត្ថកិច្ចចម្រុះនៅក្នុងខេត្តសៀមរាប បានសហការគ្នាបង្ក្រាបក្រុម ជួញដូរគ្រឿងញៀន នឹងប្រើប្រាស់អាវុធខុសច្បាប់មួយក្រុម នៅសង្កាត់ស្វាយដង្គំ ក្រុងសៀមរាប ដោយបានឃាត់ខ្លួនជនសង្ស័យប្រុសស្រីចំនួន ៩នាក់ ។
ជនសង្ស័យចំនួន ៩នាក់រួមមាន៖ ទី១ឈ្មោះ ពៅ វណ្ណៈ ហៅបារាំង ហៅកុត ទី២ឈ្មោះ ហ៊ីង សុខផាន់ណា ទី៣ឈ្មោះ បេ គឹមសុង ទី៤ឈ្មោះ វណ្ណ ដារ៉ា ទី៥ឈ្មោះ ម៉ាន់ គឹមរី ទី៦ឈ្មោះ ខា ប៉ក់ ទី៧ឈ្មោះ ម៉ាត់ សាលី ទី៨ឈ្មោះ ស្រី ណារី ភេទស្រី និងទី៩ឈ្មោះ ព្រហ្ម គីរីរតនសម្បត្តិ ក្នុងនោះបានបញ្ជូនទៅពិនិត្យ និងធ្វើតេស្តមានសារធាតុញៀនក្នុងខ្លួនចំនួន ៨នាក់។
វត្ថុតាងដកហូតបានរួមមាន៖ រថយន្តម៉ាកកាមរីបាឡែនចំនួន១គ្រឿង ម៉ូតូចំនួន៣គ្រឿង កាំភ្លើងអាកា៤៧មួយដើម បង់ដាក់គ្រាប់ចំនួន១ គ្រាប់កាំភ្លើងចំនួន១១គ្រាប់ ម្សៅក្រាមពណ៌សថ្លាចំនួន៥កញ្ចប់ធំ និង២៣កញ្ចប់តូច ដាវ កាំបិត បំពង់ទីបធ្វើពីដែកជាច្រើនដើម និងទូរស័ព្ទចំនួន១១គ្រឿង។
ក្នុងចំណោមនេះមានជនសង្ស័យម្នាក់ឈ្មោះ ពៅ វណ្ណៈ ហៅបារាំង ហៅកុត មាន ដីកាបង្គាប់ឲ្យចាប់ខ្លួនរបស់សាលាដំបូងខេត្តសៀមរាប ចំនួន៣ដីកាផងដែរ ពាក់ព័ន្ធនឹងគ្រឿងញៀន។
ពាក់ព័ន្ធនឹងករណីនេះ កម្លាំងសមត្ថកិច្ចកំពុងស៊ើបអង្កេតបន្ត ហើយបានកសាងសំណុំរឿងបញ្ជូនទៅសាសាដំបូងចាត់តាមនីតិវិធីច្បាប់៕
CR៖ FB
