កម្លាំងជំនាញរបស់ការិយាល័យនគរបាលព្រហ្មទណ្ឌកំរិតស្រាល រាជធានីភ្នំពេញ បានស្រាវជ្រាវ និងឃាត់ខ្លួនជនសង្ស័យម្នាក់ ដែលបានប្រព្រឹត្តបទល្មើសលួចមានស្ថានទម្ងន់ទោស (ឆក់កាបូបដៃពណ៌ខ្មៅ) នៅចំណុចមុខផ្ទះលេខ៨ ផ្លូវលេខ២៩៤ ភូមិ៥ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីរសៀលថ្ងៃទី១៣ ខែសីហា ឆ្នាំ២០១៨ វេលាម៉ោង១៣៖០០នាទី។
ការឃាត់ខ្លួននេះ សមត្ថកិច្ចបានដកហូតអាវុធខ្លី មួយដើមម៉ាក GLOCK19 ពណ៌ខ្មៅ លេខ AAMY860 ផលិតនៅប្រទេសអាមេរិកចំនួន និងបង់អាវុធខ្លីចំនួនមួយ មានគ្រាប់ចំនួន៤ ជារបស់ជនរងគ្រោះឈ្មោះ ម៉េង វិមានតារា ហើយសមត្ថកិច្ច បានឃាត់យកមកស្នងការនគរបាលរាជធានីភ្នំពេញ ដើម្បីធ្វើការសាកសួរ។
ជនសង្ស័យមានឈ្មោះ ម៉ន សំនៀង ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់នៅផ្ទះលេខ៦០E0Z ផ្លូវលេខ១២២ ក្រុម៧០ សង្កាត់មិត្តភាព ខណ្ឌ៧មករា។
