(ភ្នំពេញ) នៅរសៀលថ្ងៃទី២៨ ខែសីហា ឆ្នាំ២០១៨ មិត្តភក្តិជិតស្និទ្ធ រួមទាំងកូនចៅជាច្រើន ជាអ្នកកាសែតជើងចាស់ បានបង្ហោះសារតាមហ្វេសប៊ុក ជូនពរឯកឧត្តម ខៀវ កាញារីទ្ធ ដែលបន្តជារដ្ឋមន្ត្រីក្រសួងព័ត៌មាន នៅអាណត្តិថ្មីទៀត។ ក៏ប៉ុន្តែនៅរសៀលថ្ងៃទី២៨សីហានេះ អ្នកនាំពាក្យក្រសួងព័ត៌មាន ឯកឧត្តម អ៊ុក គឹមសេង មិនទាន់ហ៊ានបញ្ជាក់ថា ឯកឧត្តម ខៀវ កាញារីទ្ធ នៅបន្តជារដ្ឋមន្ត្រីក្រសួងព័ត៌មាន នៅអាណត្តិថ្មីនេះ ឬយ៉ាងណាទេ?
ឯកឧត្តម ខៀវ កាញារីទ្ធ បានក្លាយជារដ្ឋមន្ត្រីក្រសួងព័ត៌មាន ចាប់តាំងពីអាណត្តិទី៣ ក្នុងឆ្នាំ២០០៤ បន្តពីឯកឧត្តម លឺ ឡាយស្រេង។ នៅអាណត្តិទី៣ ការបោះឆ្នោត បានធ្វើឡើង កាលពីឆ្នាំ២០០៣ តែដោយសារការជាប់គាំងនយោបាយ ទើបមានការពន្យារពេលតែងតាំងរដ្ឋមន្ត្រីថ្មី ដល់ឆ្នាំ២០០៤៕
