(កម្ពុជា) ប្រជាពលរដ្ឋ រួមជាមួយថ្នាក់ដឹកនាំ នៅទូទាំងប្រទេសកម្ពុជា នាំគ្នាទៅបោះឆ្នោត ដើម្បីបំពេញកាតព្វកិច្ចជាពលរដ្ឋល្អ ។ ប្រជាពលរដ្ឋ ដែលបានបោះឆ្នោតហើយ ពួកគាត់បានថតរូបខ្លួនឯង ដោយបង្ហាញម្រាមដែល ដ៏ស្រស់ស្អាតដែលមានជាប់ ទៅដោយទឹកថ្នាំជ្រលក់ម្រាមដៃ របស់ពួកគាត់ ដើម្បីបង្ហាញទៅមិតតភក្តិ បងប្អូន សាច់ញាតិរបស់ខ្លួន។ ពួកគាត់ បានសរសេរលើផេកហ្វេសប៊ុក រៀងៗខ្លួនថា “ពួកយើងបានបំពេញកាតព្វកិច្ច ជាពលរដ្ឋល្អរួចរាល់ហើយ ចុះអ្នកទាំងអស់គ្នាវិញ រួចរាល់ហើយឬនៅចាស? ? ?”។
ចំណែកប្រជាពលរដ្ឋមួយចំនួនទៀត ទោះបីជាស្ថិតក្នុងស្ថានភាពសុខភាព ពិការ ព្យួរសេរ៉ូម ចាស់ជរា ដើរមិនរួច មានកូនច្រើនរញ៉េរញ៉ៃ មិនមែនជាឧបសគ្គ សម្រាប់ពួកគាត់ ក្នុងការបំពេញកាតព្វកិច្ចជាពលរដ្ឋល្អ ចូលរួមក្នុងការបោះឆ្នោតនោះឡើយ គឺពួកគាត់បានទៅបំពេញកាតព្វកិច្ច របស់ខ្លួន ជា ពលរដ្ឋល្អ៕
