(ព្រះសីហនុ) កាលពីម៉ោង៥:៣០នាទីព្រឹក ថ្ងៃទី២៣ ខែមិថុនា ឆ្នាំ២០១៨នេះ រថយន្តទំនើប ម៉ាករ៉ូរ៉យមួយគ្រឿងបុកទ្រូងផ្លូវនិងបង្គោលភ្លើងនៅផ្លូវឯករាជ្យមុខមន្ទីរពេទ្យចំការចេក ។ សមត្ថកិច្ចបញ្ជាក់ថា រថយន្ត រ៉ូ រ៉យ នេះពណ៌ខ្មៅផ្លាកលេខភ្នំពេញ2BE-8888 (មិនស្គាល់អត្តសញ្ញាណ អ្នកបើកបរ) មានទិសដៅពីជើង ឆ្ពោះទៅត្បូង លុះដល់ចំណុចខាងលើ បានបុកទ្រូងផ្លូវ និង បង្គោលភ្លើងបំភ្លឺផ្លូវចំនួន១ដើម រថយន្តមិនអាចទៅមុខបានទៀតឡើយ ម្ចាស់ទុករថយន្តនៅកន្លែងកើតហេតុ ហើយម្ចាស់រថយន្តចុះគេចខ្លួនបាត់ ។
ក្រោយកើតហេតុ រថយន្ត១គ្រឿងនេះ ត្រូវបានសមត្ថកិច្ចនគរបាលចរាចរណ៍ ដឹកជញ្ជូន យកមករក្សាទុកនៅការិយាល័យនគរបាលចរាចរណ៍ផ្លូវគោក៕
