ខេត្តកណ្តាល ៖ ហេតុការនេះកើតឡើងកាលពីម៉ោង១៩នាទីជាង ថ្ងៃទី៣០ ខែឧសភា ឆ្នាំ២០១៨ នៅចំណុច ក្នុងភូមិកោះទៀវ(ក) ឃុំសំពៅពូន ស្រុកកោះធំ ខេត្តកណ្ដាល។
ជនសង្ស័យឈ្មោះ ឈាង ញៀន ភេទប្រុស អាយុ៤៨ ឆ្នាំ ជនជាតិខ្មែរមានមុខរបរជាកសិកររស់នៅភូមិកំពង់ថ្កុល ឃុំសំពៅពូន ស្រុកកោះធំ ខេត្តកណ្ដាល ។ជនរងគ្រោះឈ្មោះវៀស ស៊ីម ភេទស្រី អាយុ៣៣ឆ្នាំ មានមុខរបរជាកសិករ រស់នៅក្នុងភូមិ ឃុំកើតហេតុខាងលើ។
តាមសម្តីរបស់ជនរងគ្រោះបានអោយយដឹងថា កាលពីកន្លងមក ជនសង្ស័យធ្លាប់តាមស្រឡាញ់ជនរងគ្រោះ តែជនរងគ្រោះពុំបានស្រឡាញ់នោះទេ តែជនរងគ្រោះនិងជនសង្ស័យធ្លាប់បានទៅផឹកស្រាជាមួយគ្នានៅផ្ទះឈ្មោះ នុល ឈុនលី ជាញឹកញាប់ ។ លុះដល់ពេលកើតហេតុជនសង្ស័យ និងជនរងគ្រោះបានទៅផឹកស្រាជាមួយគ្នា លុះក្រោយមកពួក គេទាក់ពាក្យសំដីគ្នា ពេលនោះធ្វើឲ្យជនសង្ស័យទប់កំហឹងមិនបានស្ទុះទៅទាញកាំបិតផ្គាក់មួយដើមកាប់ទៅលើជនរងគ្រោះចំកខាងឆ្វេងបណ្តាលឲ្យរងរបួសធ្ងន់ ហើយពេលភ្លាមៗនោះជនរងគ្រោះត្រូវបានក្រុមគ្រួសារដឹកបញ្ជូនទៅកាន់មន្ទីរពេទ្យដើម្បីជួយសង្គ្រោះអាយុជីវិតជាបន្ទាន់ ។
រីឯជនសង្ស័យព្យាយាមរត់គេចខ្លួនតែត្រូវបាននគរបាលតាមស្រាវជ្រាវឃាត់ខ្លួនបាននៅចំណុចដីស្រែចុងព្រែកខាងក្រោយភូមិកើតហេតុ លុះដល់ថ្ងៃទី៣១ ខែឧសភា ឆ្នាំ២០១៨ រួមនិងវត្ថុតាងត្រូវបាន បញ្ជូនទៅកាន់ស្នងការដ្ឋានចាត់ការទៅតាមផ្លូវ៕
ដោយ៖ សុវណ្ណ ដេត
ប្រភព៖ Heng Ly
