សមត្ថកិច្ចការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញកំណត់មុខសញ្ញាឈានទៅបង្ក្រាបជនសង្ស័យ០៣នាក់ករណីលួចមានស្ថានទម្ងន់ទោស(ឆក់កាបូប)នៅភូមិព្រែកតាឡុងសង្កាត់ចាក់អង្រែក្រោមខណ្ឌមានជ័យរាជធានីភ្នំពេញ
ភ្នំពេញ៖ កាលពីថ្ងៃទី២០ ខែមិនា ឆ្នាំ២០១៨វេលាម៉ោង១៨៖២០នាទីនៅផ្លូវបេតុង ក្រុម១ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ មានជនសង្ស័យគ្នា០៤នាក់ជិះម៉ូតូ០២គ្រឿងម៉ាកHONDA C125ពណ៌ព្រីងទុំ ស្លាកលេខកណ្តាល1I-6954 និង មួយគ្រឿងម៉ាកScoopy ពណ៌ក្រហមមិនចាំស្លាកលេខបានធ្វើសកម្មភាពឆក់កាបូបបានសម្រេច រួចជិះគេចខ្លួនបាត់។
លុះមកដល់ថ្ងៃទី២៩ ខែមិនា ឆ្នាំ២០១៨ វេលាម៉ោង១៤៖៤៥នាទី ត្រូវសមត្ថកិច្ចស្រាវជ្រាវឃាត់ខ្លួនជនសង្ស័យបាន០៣នាក់ ហើយជនសង្ស័យទាំង០៣នាក់នោះរួមមានឈ្មោះ ៖
ទី១ឈ្មោះ គង់ សុវឌ្ឍនាហៅរ័ត្ឋ ភេទប្រុស អាយុ១៤ឆ្នាំ ជាសិស្សសាលាឯកជនស្នាក់នៅផ្ទះលេខ១៦ភូមិឬស្សីសង្កាត់ស្ទឹងមានជ័យ៣ខណ្ឌមានជ័យ(មានសារធាតុញៀន)។
ទី២ឈ្មោះ ណៃ វិសាល ភេទប្រុស អាយុ១៨ឆ្នាំជាសិស្ស ស្នាក់នៅភូមិមិត្តភាពសង្កាត់ព្រែកឯងខណ្ឌច្បារអំពៅ(មានសារធាតុញៀន)។
ទី៣ឈ្មោះ សួន ច័ន្ទនាភេទប្រុសអាយុ១៧ឆ្នាំជាសិស្ស ស្នាក់នៅភូមិចុងព្រែកសង្កាត់ព្រែកឯងខណ្ឌច្បារអំពៅ(គ្មានសារធាតុញៀន)និងបក្ខពួក០១នាក់ទៀតគេចខ្លួន។
ករណីនេះសមត្ថកិច្ចបានកសាងសំណុំរឿងដើម្បីចាត់ការតាមនីតិវិធី ៕
ដោយ៖ SVD
