ភ្នំពេញ ៖ កាលពីថ្ងៃទី ២៧ ខែ មីនា ឆ្នាំ ២០១៨ កម្លាំងនគរបាលព្រហ្មទណ្ឌ ខណ្ឌពោធិ៍សែនជ័យ បានបញ្ជូនខ្លួនមកតុលាការ ពាក់ពន្ធ័ បានធ្វើទារុណកម្មទៅលើនារីជាសង្សាររបស់ខ្លួន យកខ្សែ និងកន្សែងចង ដៃចងជើង ចងកព្រមទាំងចាក់សោបង្ខាំងនៅក្នុងបន្ទប់ជួល។
តាមប្រភពបានអោយដឹងថា៖ ជនសង្ស័យមានឈ្មោះ អឹក សំអាង អាយុ៣០ឆ្នាំ មុខរបរជាមន្ត្រីពេទ្យយោធា ពាក់ស័ក្តិ៣ ស្នាក់នៅភូមិជ្រៃកោង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ មានស្រុកកំណើត នៅឃុំរាមអណ្តើក ស្រុកគិរីវង្ស ខេត្តតាកែវ ពីបទហិង្សាដោយចេតនានិងបង្ខាំងមនុស្សដោយខុសច្បាប់។
ប្រភពដដែលបានបន្តថា ៖ កាលពីយប់ថ្ងៃទី២៣ ខែមីនា ឆ្នាំ២០១៨ បុរសជាមន្ត្រីយោធាពេទ្យម្នាក់នេះ បានធ្វើទារុណកម្មទៅលើនារីជាសង្សាររបស់ខ្លួន ដោយបានប្រើអំពើហិង្សាដោយបានយកខ្សែ និងកន្សែងចងដៃចងជើង ព្រមទាំងចាក់សោបង្ខាំងនៅក្នុងបន្ទប់ជួល រួចរត់គេចខ្លួន នៅចំណុចបន្ទប់ជួលភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ៕
