គ្រោះថ្នាក់និងហឹង្សាមិនគួរអោយកើតមាន ស្តែងពីអសីលធម៍ក្នុងសង្គម

ភ្នំពេញ៖ គ្រោះថ្នាក់ចរាចរនិងអំពើហឹង្សាដ៏កំរោលដែលបានកើតឡើងនៅថ្ងៃទី១១ ខែមីនា ឆ្នាំ២០១៨ ដោយបានបុករះជាបន្តបន្ទាប់តាមដងផ្លូវ ចាប់ពីម្តុំទួលសង្កែ ខណ្ឌប្ញស្សីកែវ រហូតដល់ម្តុំមន្ទីរពេទ្យលោកសង្ឃទើបប្រជាពលរដ្ធបានស្ទាក់ចាប់និងប្រើហឹង្សាមកលើភាគីម្ចាស់រថយន្តយ៉ាងឃោឃៅត្រូវបាន ឯកឧត្ដម​នាយឧត្ដមសេនីយ៍​ ជួន​ សុវណ្ណ​ បញ្ជាអោយតាមចាប់ជនដៃដល់ប្រើហឹង្សារប៉ងសម្លាប់​ លោកបណ្ឌិត​ ស៊ុយ​ សារ៉េត​ហើយ។

បើតាមប្រភពពីឯកឧត្ដម​នាយឧត្ដមសេនីយ៍​ ជួន​ សុវណ្ណ​ ដែលបានផ្តល់សំភាសន៍ដល់បណ្តាញសារពត៍មានបានអោយដឹងថា ៖ ករណីគ្រោះថ្នាក់នេះ អ្នកបើកបរបង្កគ្រោះថ្នាក់ចរាចរណ៍ ដែលរត់គេចពីកន្លែងកើតហេតុ គឺច្បាប់ជាអ្នកអនុវត្ត ប៉ុន្តែចំពោះអ្នកដែលវាយអ្នកបើកបរ ក៏ត្រូវតែទទួលទោសផងដែរ ព្រោះវាជាអំពើអសីលធម៌ក្នុងសង្គម និងមិនគួរឲ្យមានកើតឡើងក្នុងរូបភាពបែបនេះទៀត។ ក្នុងករណីនេះ យើងពិនិត្យឃើញថា ជាបទល្មើសជាក់ស្តែង ព្រោះវាជាបទល្មើសហឹង្សាដោយចេតនា មានស្ថានទម្ងន់ទោស និងបំផ្លិចបំផ្លាញទ្រព្យសម្បត្តិអ្នកដទៃ ក៏មានស្ថានទម្ងន់ទោសផងដែរ ព្រោះបានបំផ្លាញទ្រព្យសម្បត្តិអ្នកដទៃជាក្រុម​ ។ ក្នុងករណីនេះដែរ ជនល្មើសដែល​បានបង្កគ្រោះថ្នាក់ចរាចរណ៍ ទោះជាបាន​រត់គេចពីកន្លែងកើតហេតុ ក៏អាស្រ័យដោយសារមានការភ័យខ្លាចអំពីក្រុមជនបង្ករ​ដែរ។