ប៉ៃលិន ៖ ថ្ងៃទី១៨ ខែមករា ឆ្នាំ២០១៧ ស្ថិតនៅក្នុងភូមិកូនភ្នំ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន មានរឿងហេតុការណ៍គួរអោយរន្ធត់មួយបានកើតឡើងដោយសត្វឆ្កែចិញ្ចឹមមួយក្បាលបានខំម្ចាស់ខ្លួនឯងរងរបួសយ៉ាងដំណំ។
តាមប្រភពសាក្សីនៅកន្លែងកើតហេតុខាងលើបាននិយាយថា ៖ ឆ្កែនេះគាត់បានចិញ្ចឹមជាតាំងពីតូចមកម្លេះ ហើយមិនដែលខាំនរណាម្នាក់នោះទេ វាមានរូបរាង្គនិងសោភ័យភាពគួរអោយស្រលាញ់ ហើយពេលម្ចាស់ចេញដើរទៅណា តែងតែដើរតាមជារៀងរហូត ។ តែមុនពេលកើតហេតុ ស្រ្តីរងគ្រោះដើរចេញពីផ្ទះ បម្រុងនឹងទៅផ្សារទិញម្ហូប ពេលនោះប្តីរបស់គាត់បានទាញទ្វាររបងបិទ ដើម្បីកុំឱ្យឆ្កែមួយក្បាលនោះទៅតាមប្រពន្ធរបស់ខ្លួនដូចសព្វមួយ ដង ស្រាប់តែបិទទៅគាបសត្វឆ្កែនោះជាប់ លុះវារើបម្រះរួច ក៏ស្ទុះទៅខាំស្រ្តីជាប្រពន្ធ ដោយមុតជាច្រើនចង្កូម ។ ពេលនោះប្តីខំប្រឹងចូលទៅបេះយ៉ាងណាក៏មិនចេញ ហើយបានប្រជាពលរដ្ឋរស់នៅ ក្នុងភូមិឃើញសភាពបែបនេះ ក៏នាំគ្នាចូលទៅវាយបំបែករហូតដល់ងាប់តែម្តង ។
យោងតាមប្រភពពីអ្នកជំនាញសត្វសុនខបានអោយដឹងថា ឆ្កែប្រភេទនេះឈ្មោះថា Pitbull ជាប្រភេទឆ្កែដែលកាចសាហាវខ្លាំងក្លា កាលណាវាខាំហើយមិនលែងនោះទេ ឆ្កែប្រភេទនេះមានតែប៉ូលីសទេដែលចិញ្ចឹម ព្រោះងាយស្រួលបញ្ជារអោយចាប់ជនល្មើស។ ស្រី្តរងគ្រោះត្រូវបានបញ្ចូនទៅមន្ទីរពេទ្យបង្អែកខេត្តភ្លាមៗផង ដើម្បីព្យាបាល និងចាក់ថ្នាំបង្កាជំងឺឆ្កែឆ្កួតផងដែរ៕
ឆ្កែចិញ្ចឹមដែលខាំម្ចាស់
អំបូរឆ្កែ Pitbull ដែលកាចសាហាវបំផុត និង កប្បីជៀសវៀងអោយបាន
ដោយ ៖ Sing Ly
