ខេត្តក្រចេះ ៖ ដើម្បីរក្សានៅសុវត្តិភាពជូនប្រជាពលរដ្ឋគ្មានចោរកម្ម គ្មានគ្រឿងញៀននោះសមត្ថកិច្ចបានចុះធ្វើអន្តរាគមន៍បង្រ្កាបមុខសញ្ញាជួនដូរគ្រឿងញៀនធំម្នាក់និងដកហូតបានគ្រឿងញៀនមានទំងន់ជាង១គីឡូក្រាម។
បើតាមសម្តីសមត្ថកិច្ចបានបញ្ជាក់ថា៖ កាលពីយប់ថ្ងៃទី១៧ ខែមករា ឆ្នាំ២០១៨ សមត្ថកិច្ចបានកំណត់មុខសញ្ញាជនសង្ស័យដែលនគរបាលបានសើបអង្កេតអស់រយះពេលជាយូរខែទៅហើយនោះ ទើបឈានដល់ការចាប់ខ្លួន ជនស្ស័យដែលបានត្រូវសមត្ថកិច្ចចាប់ខ្លួននោះមានឈ្មោះ ខាន់ វុទ្ឋី (ហៅឆក) អាយុ៣២ឆ្នាំ មានមុខរបរមិនពិតប្រាកដនិងមានទីលំនៅក្នុងឃុំថ្មគ្រែ ស្រុកចិត្របុរី ខេត្តក្រចេះ ហើយជនសង្ស័យខាងលើនោះក៏ជាមុខសញ្ញាចាស់ដែលធ្លាប់បានឃាត់ខ្លួនពាក់ព័ន្ឋនិងករណីគ្រឿងញៀនកន្លងមកផងដែរ។៕
លោកឧត្តមសេនីយ៍ទោ លន់ សុផាត បានមានប្រសាសន៍ថាជនសង្ស័យខាងលើកំពុងដឹកជញ្ជូនគ្រឿងញៀនមួយចំនួនដែលរូបគេដាក់ក្នុងការបូបស្ពាយនិងមូយចំនួនទៀតគឺបានឆែរកឃើញនៅផ្ទះរបស់គេតែម្តង គ្រឿងញៀនដែលសមត្ថកិច្ចចាប់បាននោះសរុបចំនួន១០កញ្ចប់ មាន៣កញ្ចប់ធំនិងមធ្យមព្រមទាំង៧កញ្ចប់តូចសរុបទំងន់ជាង១គីឡូក្រាម (១០០៩,១គីឡូក្រាម)។
បញ្ជាក់៖បច្ចុប្បន្នជនសង្ស័យរួមទាំងវត្ថុតាងត្រូវបានកសាងសុំណុំរឿងរួចបញ្ជូនទៅកាន់តុលាការដើម្បីកាត់ទោសតាមផ្លូវច្បាប់។
