ប្រធានាធិបតីវៀតណាមទទួលមរណភាពក្នុងជន្មាយុ៦២ឆ្នាំ

(វៀតណាម) ទីភ្នាក់ងារសារព័ត៌មានរដ្ឋវៀតណាមVNA បានឲ្យដឹងថាតាមប្រភពព័ត៌មាននៃគណៈកម្មការថែរក្សាសុខភាពកម្មាភិបាលមជ្ឈិមបក្សកុម្មុយនីស្ដវៀតណាមឲ្យដឹងថា ឯកឧត្តម ចិន ដាយក្វាង កើតនៅឆ្នាំ១៩៥៦ ជាសមាជិកការិយាល័យនយោបាយមជ្ឈិមបក្សកុម្មុយនីស្ដវៀតណាម ប្រធានាធិបតីសង្គមនិយមវៀតណាមដែលមានជំងឺដ៏ធ្ងន់ទោះបីជាត្រូវបានវេជ្ជបណ្ឌិតចំណានៗទាំងក្នុងនិងក្រៅប្រទេសជួយព្យាបាលយ៉ាងណាក៏ដោយក៏ឯកឧត្តមមិនអាចចៀសផុតពីជំងឺកាចបានឡើយ ទើបបណ្ដាលឲ្យគាត់ទទួលមរណភាពកាលពីម៉ោង១០:០៥នាទីព្រឹកថ្ងៃទី២១ ខែកញ្ញា ឆ្នាំ២០១៨ នៅមន្ទីរពេទ្យយោធាមជ្ឈិម១០៨។

ឯកឧត្តម ចិន ដាយក្វាង កាន់តំណែងជាប្រធានាធិបតីវៀតណាមចាប់តាំងពីថ្ងៃទី០២ ខែមេសា ឆ្នាំ២០១៦មក៕