ក្រុមបាល់ទាត់ជម្រើសជាតិប៊ែលហ្ស៊ិក ដណ្តើមបានលេខ៣ ប្រចាំព្រឹត្តិការណ៍ FIFA World Cup 2018 ក្រោយយកឈ្នះគូប្រជែងអង់គ្លេស ២-០។
នេះជាការយកឈ្នះអង់គ្លេសជាលើកទី២ ក្រោយយកឈ្នះ ១-០ ប្រកួតសន្សំពិន្ទុក្នុងពូល G ពីការធ្វើបានសម្រេចដោយកីឡាករ Thomas Neunier នៅនាទីទី៤ ក្រោយបញ្ជូនបាល់ពី Nacer Chadli និងគ្រាប់ទី២ ដោយ Eden Hazard នៅនាទីទី៨២ នៅពីមុខអ្នកទស្សនាផ្ទាល់ចំនួន ៦៤៤០៦នាក់ នៅកីឡដ្ឋានស្ថិតក្នុងទីក្រុង Saint Petersburg នៃប្រទេសរុស្ស៊ី។
សូមបញ្ជាក់ផងដែរថា នេះជាជ័យជម្នះទី៦ ក្នុងចំណោម៧ប្រកួតនៅ World Cup 2018 របស់ប៊ែលហ្ស៊ិក ដោយចាញ់បារាំង ១-០ តែម្តងគត់នៅវគ្គពាក់កណ្តាលផ្តាច់ព្រ័ត្រ និងជាក្រុដែលស៊ុតបញ្ចូលទីបានច្រើនជាងផងដែរក្នុងយុទ្ធនាការ ៤ឆ្នាំម្តងនេះ។
ក្រុមបិសាចក្រហមប៊ែលហ្ស៊ិក ជាប់លេខ៣ នៅ World Cup 2018 នឹងទទួលបានមេដាយសំរឹទ្ធ ៤៥គ្រឿង និងរង្វាន់អមដោយថវិកា ២៤លានដុល្លារ ខណ:ក្រុមជាប់លេខ៤ តោកំណាចអង់គ្លេស ទទួលបានទឹកប្រាក់២២លានដុល្លារ៕
