អូស្ដ្រាលី​​រក្សា​​ក្ដី​សង្ឃឹម​ឡើង​វគ្គ​ ១៦ ក្រុម​នៅ​ World Cup ក្រោយ​ស្មើ​ជាមួយ​ដាណឺម៉ាក​

0
244

ក្រុម​ជម្រើស​ជាតិ​អូស្ដ្រាលី​បាន​រក្សា​ក្ដី​សង្ឃឹម​​របស់​ពួក​គេក្នុង​ការ​ឈាន​ទៅ​កាន់​វគ្គ​បន្ត​​នៃ​ការ​ប្រកួត​ពាន​រង្វាន់​បាល់ទាត់​ពិភពលោក​ឆ្នាំ​ ២០១៨ បន្ទាប់​ពី​ការ​ស៊ុត​បាល់​ពិន័យ​ ១១ ម៉ែត្រ​បញ្ចូល​ទី​ពី​សំណាក់​​ខ្សែ​បម្រើ​ Mile Jedinak ដែល​ជា​គ្រាប់​បាល់​ជួយ​ឲ្យ​អូស្ដ្រាលី​​តាម​បាន​ស្មើ​​ដាណឺម៉ាក​នៃ​ការ​ប្រកួត​នៅ​​​ក្នុង​ពូល​ C ។ ខ្សែ​បម្រើ​របស់​ក្រុម​មាន់​ខ្នាយ​មាស​ Tottenham កីឡាករ​ Christian Eriksen គឺ​ជា​អ្នក​រក​គ្រាប់​​នាំ​មុខ​ឲ្យ​ដាណឺម៉ាក​ ប៉ុន្តែ​ត្រូវ​បានអូស្ដ្រាលី​​តាម​ស្មើ​មក​វិញ​​​​ បន្ទាប់​ពី​ទទួល​បាន​បាល់​ពិន័យ​​ ១១ ម៉ែត្រ​ និង​ស៊ុត​បាន​សម្រេច​ដោយ​ខ្សែ​បម្រើ​របស់​ក្រុម​ Aston Villa, Jedinak ។

តែ​ទោះ​ជា​យ៉ាង​ណា​​ លទ្ធផល​​មួយ​ស្មើ​នេះ​ក៏​វា​គ្រប់​គ្រាន់​នឹង​ឲ្យ​ដាណឺម៉ាក​ឡើង​ឈរ​លើ​កំពូល​តារាង​នៃ​ពូល​ C បាន​យ៉ាង​ស្រួល​ជាមួយ​នឹង​ ៤ ពិន្ទុ​នៅ​ក្នុង​ដៃ​ ខណៈ​ដែល​អូស្ដ្រាលី​នៅ​តែ​មាន​ឱកាស​ដើម្បី​​​​ឆ្លង​ទៅ​វគ្គ​បន្ត​ទៀត​សម្រាប់​ការ​ប្រកួត​ពាន​ World Cup ឆ្នាំ​នេះ​។ ឯ​ដាណឺម៉ាក​​ដែល​ខក​ខាន​ការ​ឡើង​ដល់​វគ្គ​ ១៦ ក្រុម​ក្នុង​ការ​ប្រកួត​ World Cup តាំង​ពី​ឆ្នាំ​ ២០០២ មួយ​នេះ​មាន​ភាគ​រយ​ខ្ពស់​ក្នុង​ការ​ឡើង​វគ្គ​ ១៦ ក្រុម​សម្រាប់​ការ​ប្រកួត​នា​ឆ្នាំ​នេះ​ បន្ទាប់​ពី​ពួក​គេ​ទទួល​បាន​ជ័យ​ជម្នះ​លើ​​ប៉េរ៉ូ​កាល​ពី​ថ្ងៃ​ប្រកួត​បើក​ឆាក​។

ប្រែ​សម្រួល ៖ ភក្ដី

LEAVE A REPLY

Please enter your comment!
Please enter your name here