បន្ទាប់ពីពពោះរយៈពេល ៩ខែ១០ថ្ងៃ ទីបំផុតកាលពីវេលាម៉ោង៧ព្រឹកទី៧ ខែកក្កដា ឆ្នាំ២០១៨ តារាស្រី និងជាអ្នកជំនួញដ៏ជោគជ័យ គង់ ច័ន្ទស្រីមុំ បានសម្រាលកូនស្រីម្នាក់ប្រកបដោយសុវត្ថិភាព ព្រមទាំងបានដាក់ឈ្មោះឱ្យថា គឹម សីហ៍ មរកត ។
គួរបញ្ជាក់ថា លោក គឹម សីហា និងអ្នកនាង គង់ ច័ន្ទស្រីមុំ បន្ទាប់ពីស្រឡាញ់ ស្គាល់ចិត្តថ្លើមគ្នា រយៈពេល ១០ឆ្នាំ ទើបសម្រេចចិត្តចូលរោងការ កាលពីថ្ងៃទី១៤ ខែមិនា ឆ្នាំ២០១៦ ដោយមានការចូលរួមយ៉ាងច្រើនកុះករពីសំណាក់ញាតិមិត្តទាំងសងខាងផងដែរ ។
គង់ ច័ន្ទស្រីមុំ និងលោក គឹម សីហា បានទំនាក់ទំនងជាមួយគ្នា រួចវេញជាចំណងស្នេហ៍ ក្នុងពិភពសិល្បៈ រហូតអ្នកសិល្បៈគ្រប់ មជ្ឈដ្ឋាន ទទួលស្គាល់ចំណងស្នេហ៍នេះ ហើយពួកគេឈានដល់ ការមានជំនួញរកស៊ី ជាមួយគ្នាទៀតផង ៕ ប្រភពCEN
