យោងតាមស្ថានីយ៍ប៉ូលីស Uiryeong នៅថ្ងៃទី ៤ ខែកក្កដានាពេលព្រឹកនៅម៉ោងប្រហែល ៩:៣០ នាទីព្រឹក មានជីតាអាយុ ៦៣ឆ្នាំម្នាក់បានចេញទៅក្រៅផ្ទះជាមួយចៅប្រុសអាយុ ៣ឆ្នាំរបស់គាត់ថានឹងយកចៅរបស់គាត់ទៅដាក់នៅកន្លែងមើលថែក្មេង តែទោះជាយ៉ាងណាក៏ដោយជីតានោះបានភ្លេចថាចៅរបស់គាត់គឺអង្គុយនៅកៅអីខាងក្រោយហើយក៏បានបើកឡានទៅកន្លែងធ្វើការតែម្ដង។
គាត់បានចតឡានរបស់គាត់នៅក្នុងចំណតរថយន្តជិតរយះពេល ៤ម៉ោង។ នៅម៉ោងប្រហែល ១:៣០ នាទីរសៀល លោកតាបានត្រលប់ទៅកន្លែងចតរថយន្តរបស់គាត់វិញហើយបានឃើញចៅប្រុសរបស់គាត់សន្លប់នៅកៅអីឡានខាងក្រោយបាត់ទៅហើយ។ កុមារនោះត្រូវបានប្រញាប់បញ្ជូនទៅមន្ទីរពេទ្យភ្លាមៗ និងទទួលការសង្រ្គោះបន្ទាន់ តែជាអកុសលគាត់មិនអាចសង្រ្គោះបាននោះទេ។ ប៉ូលីសជឿជាក់ថាក្មេងប្រុសនេះបានស្លាប់ដោយសារតែកំដៅនៅក្នុងឡាន។
លោកតានោះបាននិយាយថា «ខ្ញុំបានផ្ដោតការយកចិត្តទុកដាក់ខ្លាំងទៅលើកិច្ចការដែលត្រូវធ្វើនាពេលព្រឹក ដែលខ្ញុំភ្លេចថាខ្ញុំបាននាំចៅប្រុសរបស់ខ្ញុំមកជាមួយខ្ញុំ»។
ប៉ូលីសគ្រោងបន្តការស៊ីបអង្កេតលើការស្លាប់របស់កុមារ ហើយជីតាម្នាក់នោះអាចនិងត្រូវបានចោទប្រកាន់ពីបទឧក្រិដ្ឋ។
ប្រែសម្រួល ៖ RathDy
