ទារកដែលគេងផ្កាប់មុខ នឹងអាចជួបបញ្ហាជាច្រើន ឪពុកម្តាយត្រូវ ការពារ
ក្នុងចំណោមឥរិយាបទទាំងអស់មិនថា ការគេងបែរទៅខាងស្តាំ ខាងឆ្វេង ឬផ្ងារឡើយ សុទ្ធតែគ្មានបញ្ហាអ្វីទាំងអស់ លើកលែងតែទម្លាប់គេងផ្តាប់មុខមួយគត់។ ហេតុអ្វីបានជាមិនឲ្យទារកគេផ្តាប់មុខ? បើយោងតាមអ្នកជំនាញបានបង្ហើបឲ្យដឹងថា ទារកដែលគេងផ្តាប់មុខអាចជួបនឹងបញ្ហាគ្រោះថ្នាក់មួយចំនួន។ ជារៀងរាល់ឆ្នាំមានទារកប្រហែលជា ១,៥០០នាក់បានបាត់បង់ជីវិត ដោយសារតែឪពុកម្តាយមិនយកចិត្តទុកដាក់ចំពោះការគេងរបស់ពួកគេ។
១.ការគេងផ្តាប់មុខ អាចដាក់សម្ពាធខ្លាំងទៅលើអវយវៈមួយចំនួននៅលើមុខរបស់។ ការរងនូវសម្ពាធបែបនេះរាល់ថ្ងៃ អាចបណ្តោលឲ្យប៉ះពាល់ដល់ការលូតលាស់របស់ទារក ជាពិសេសឆ្អឹងថ្គាម ឬច្រមុះ អាចវេចបាន ព្រោះឆ្អឹងនៅខ្ចីត្រូវការលូតលាស់ជាចាំបាច់។
២.មិនថាខ្នើយ កម្រាលពូក ភួយ ឬកន្ទេលនោះទេ អ្នកច្បាស់ជាគ្មានពេលវេលាច្រើនក្នុងការបោកគកឡើយ ហើយអ្នកម្តាយទាល់តែរាប់ខែទើបបោកម្តង។ នេះជាមូលហេតុដែលធ្វើឲ្យបាក់តេរី ឬមេរោគជាច្រើនពួនសង្ងំនៅទីនេះ ហើយនៅពេលដែលកូនរបស់អ្នកគេងផ្តាប់មុខ មេរោគទាំងនោះនឹងស្រូបចូលទៅក្នុងខ្លួនតាមរយៈខ្យល់ដង្ហើមយ៉ាងងាយ។
៣.បញ្ហាដ៏អាក្រក់បំផុត សម្រាប់ការគេងផ្តាប់មុខ គឺទារកអាចពិបាកដកដង្ហើម ឬស្លាប់បាន ជាពិសេសការគេងលើពូកទន់ៗតែម្តង៕
