ប្រទេសថៃ ៖ ភ្ញៀវទេសចរណ៍រាប់ម៉ឺននាក់ភ្ញាក់ផ្អើល និង ទទួលបានអារម្មណ៍ស្រស់ស្រាយ រំភើបរីករាយ រកថ្លែងមិនត្រូវក្នុងតំណើរកំសាន្តដោយរថភ្លើងមួយដោយឆ្លងកាត់ខេត្តសំខាន់ៗដូចជា ៖ ឡាក់ស៊ី ដនមឿង រាំងស៊ីត អយុធ្យា ស្រះបុរី ងខយ សាមសេន បាងស៊ឺ បាងខេន កេងសឿ តេន នៃព្រះរាជាណាចក្រថៃ។ អ្វីដែលជាកត្តាសំខាន់នៃរថភ្លើងនេះ គឺគេធ្វើឡើងដោយឆ្លងកាត់ដៃសមុទ្រយ៉ាងវែង ហើយបានឈប់សំចតអោយអ្នកទេសចរអាចថតផ្តិតយករូបភាពប្លែកបានផងដែរ។ បើតាមអ្នកទេសចរណ៍ជនជាតិថៃម្នាក់ ដែលធ្វើតំណើរតាមរថភ្លើងនេះជាញឹកញាប់ លោក ឈីត បាននិយាយថា ខ្ញុំមិនអាចបដិសេធន៍បានទេនៅពេលអារម្មណ៍ចង់មកទីនេះម្តងទៀត ពិសេសវាធ្វើអោយអារម្មណ៍ស្រស់ស្រាយ ខ្យល់អាកាសល្អ និង ប្លែកភ្នែកទៀតផង។
