ភ្នំពេញ៖ នារសៀលថ្ងៃសៅរ៍ ០៨រោច ខែចេត្រ ឆ្នាំកុរ ឯកស័ក ព.ស២៥៦២ ត្រូវនឹងថ្ងៃទី២៧ ខែមេសា ឆ្នាំ២០១៩ ឯកឧត្តម ឃួង ស្រេង អភិបាលរាជធានី បានចុះសួរសុខទុក្ខ សំណេះសំណាល និងពិនិត្យស្ថានភាពរស់នៅជាក់ស្ដែងរបស់ប្អូនៗ កូនក្មួយដែលត្រូវបានបញ្ជូនមកដើម្បីព្យាបាលបន្សាបគ្រឿងញៀននៅមជ្ឈមណ្ឌលឱកាសខ្ញុំ ស្ថិតនៅក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ៕
ក្នុងនោះដែរ ឯកឧត្តម ឃួង ស្រេង បានមានប្រសាសន៍ថា គ្រឿងញៀន និងបំផ្លាញគ្រួសារប្អូនៗ , គ្រឿងញៀនបំផ្លាញ អនាគតប្អូនៗ ,គ្រឿងញៀន បំផ្លាញសង្គមប្អូនៗ ,គ្រឿងញៀនបំផ្លាញកិត្ដិយស ប្អូនអស់មួយជីវិត ដូចនេះបើយើងកែខ្លួន ឫក៏រួចផុតក្រញាមខ្លាដ៏ឃោឃៅនេះ ហើយ សូមបងប្អូនកូនក្មួយជៀសឲ្យផុតវា ព្រោះគ្រឿងញៀនគ្រោះថ្នាក់សម្រាប់អនាគតរបស់បងប្អូនកូនក្មួយ ។
សូមបញ្ជាក់ថា ឯកឧត្តម ឃួង ស្រេង អភិបាលរាជធានីភ្នំពេញ ខណៈឯកឧត្តមចុះ ជួបផ្ដល់ការលើកទឹកចិត្ដ ដល់ប្អូនៗ ក្មួយៗ អ្នក ញៀនគ្រឿងញៀន១៤៣៣នាក់ ក្នុងនោះស្ដ្រី ៧៣នាក់ នៅមណ្ឌលកែប្រែ ឪកាសខ្ញុំសែនសុខ ខណ្ឌសែនសុខ រាជធានីភ្នំពេញ ៕
