នៅថ្ងៃព្រហស្បតិ៍ ទី២៣ ខែឧសភានេះ បានចុះផ្សាយនូវអត្ថបទ ដ៏គួរឲ្យចាប់អារម្មណ៍មួយ នៃសណ្ឋាគារ ខ្នាតយក្សមួយ ដែលគ្រោងនឹងដំណើរការនារដូវស្លឹកឈើជ្រុះនា ពេលខាងមុខនេះ។ វាជាសណ្ឋាគារ រូបរាងហ្គីតា ជាលើកដំបូង របស់ពិភពលោក និងមានទីតាំង ស្ថិតនៅក្នុងរដ្ឋហ្វ្លរីដា ខាងត្បូង សហរដ្ឋអាមេរិក។
ក្រុមហ៊ុនអចលនទ្រព្យ Hard Rock គឺជាអ្នកគ្រប់គ្រងអគារ ដែលមានតម្លៃរហូតទៅដល់ ១,៥ពាន់លាន ដុល្លារមួយនេះហើយ វាគឺជាផ្នែកមួយនៃគម្រោងធំ ដែលមានតម្លៃ២,២ពាន់លានដុល្លារ ដែលនឹងបន្ថែម សណ្ឋាគារ និងក្លឹបHard Rock នៅរដ្ឋហ្វ្លរីដាមួយទៀត ស្ថិតនៅ ទីក្រុងTampa។
តាមផែនការសណ្ឋាគារទី១ ដែលមានរូបរាងហ្គីតា ដែលមានកំពស់ប្រមាណជា ៤០០ហ្វូតនេះ នឹងដំណើរ ការ នាថ្ងៃទី២៤ ខែតុលា ហើយការចាប់ផ្តើម ទទួលយកការកក់បន្ទប់ នឹងចាប់ផ្តើម នាថ្ងៃទី២៤ខែកក្កដា នេះហើយ៕
ប្រភពដើមអំពិល ដោយ៖ សុខជា
