ភ្នំពេញ៖ នៅរសៀលថ្ងៃ០១ មេសា ឆ្នាំ២០១៩នេះ ឯកឧត្តម ឃួង ស្រេង និងមន្ដ្រីជំនាញក្រោមឧវាទ បានចុះពិនិត្យ សមិទ្ធផល ក្រោយការជួសជុលរួច ស្ពានមិត្ដភាព កម្ពុជា ជប៉ុន ជ្រោយចង្វារ ដើម្បីត្រៀម សម្ពោធដាក់ឲ្យប្រើប្រាស់ នៅថ្ងៃទី០៣ មេសា ឆ្នាំ២០១៩ មុនចូលឆ្នាំខ្មែរ ជិតមកដល់ នៅថ្ងៃទី១៤ ,១៥,១៦ មេសា ឆ្នាំ២០១៩នេះ ក្រោមអធិបតីភាពដ៏ខ្ពង់ខ្ពស់ របស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
ស្ពាននេះអាយុកាលដ៏ចំណាស់ ហើយស្របពេលកំណើនសេដ្ឋកិច្ច និងរំហូរចរាចរណ៍ កើនឡើងជាលំដាប់ ស្ពាននេះតម្រូវឱ្យមានការជួសជុលឡើងវិញជាបន្ទាន់។ បន្ទាប់ពីជួសជុលរួច ស្ពាននេះមានលក្ខណៈខុសពីស្ពានចាស់ ដែលស្ពាននេះមានភាពរឹងមាំ និងមានគំនូសសញ្ញាបែងចែកសម្រាប់អ្នកថ្មើរជើង ម៉ូតូ និងឡាន។
ដោយសារការខិតខំប្រឹងប្រែងរបស់ក្រុមវិស្វករ និងអ្នកជំនាញ របស់ក្រសួងសាធារណការ និងដឹកជញ្ជូន ក្រុមហ៊ុន សាងសង់ និងក្រុមហ៊ុនទីប្រឹក្សាបច្ចេកទេសជប៉ុន ទើបគម្រោងនេះអាចបញ្ចប់យ៉ាងរលូន ដើម្បីដាក់ស្ពាននេះឱ្យដំណើរការនៅថ្ងៃទី៣ ខែមេសា ខាងមុខនេះ ក្នុងគោលបំណងសម្រួលដល់ការធ្វើចរាចររបស់ប្រជាពលរដ្ឋក្នុងកំឡុង ពេលបុណ្យចូលឆ្នាំខ្មែរ ៕
