ភ្នំពេញ៖ កាលពីព្រឹកមិញនេះ ថ្ងៃទី២៩ ខែមីនា ឆ្នាំ២០១៩នេះ កញ្ញា យិន ម៉ាណា ដែលជាអ្នកបើករថយន្ត Range Rover បុកនិស្សិតឆ្នើមឈ្មោះ ឌុំ រីដា ស្លាប់នោះ ត្រូវបានសមត្ថកិច្ចបញ្ជូនដល់សាលាដំបូងរាជធានីភ្នំពេញ ដើម្បីបន្តតាមនីតិវិធីតាមផ្លូវច្បាប់ បន្ទាប់ពីនាងបានចូលសារភាព នៅចំពោះមុខសមត្ថកិច្ច រាជធានីភ្នំពេញ។
បើយោងតាមសម្តីលោក សែម គន្ធា ប្រធានការិយាល័យចរាចរណ៍ផ្លូវគោក នៃស្នងការនគរបវបាលរាជធានីភ្នំពេញ បានថ្លែងប្រាប់នៅមុននេះបន្តិចថា ក្មេងស្រី (យិន ម៉ាណា) ដែលបានបើកឡានបុកនិស្សិតស្រីស្លាប់ ត្រូវបានឪពុកនាំចូលមកការិយាល័យចរាចរណ៍ផ្លូវគោកដើម្បីទទួលកំហុសនៅព្រឹកថ្ងៃទី២៩ ខែមីនា នេះ។
លោកសែម គន្ធា បានបញ្ជាក់ទៀតថា “គាត់បាននិយាយថា គាត់ (យិន ម៉ាណា) បានចេញពីហាងបុកល្ហុង បើកឡានដោយខ្លួនឯង ហើយបាំងឡានមួយនៅខាងឆ្វេងដៃ ហើយក៏បានបើកប៉ះជាមួយម៉ូតូនៅខាងឆ្វេងដៃតែម្តង ហើយភ័យក៏បានបើករត់ទៅ ហើយក៏ឡាននឹងខូចគាំង ហើយទុកឡានចោលក៏ជិះម៉ូតូកង់បីរត់គេចចេញពីឡាននោះតែម្តង” ។
បន្ទាប់ពីខាងជំនាញបានសាកសួរអំពីដំណើររឿងដែលបើកឡានបុកនិស្សិតស្រីស្លាប់ ក្រោយសាកសួររួច សមត្ថកិច្ចបានបញ្ជូនខ្លួនក្មេងស្រីនោះទៅសាលាតំបូងរាជធានីភ្នំពេញ៕
ប្រភព៖ FB
