យោងតាមផេករបស់ឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រីនៃក្រសួងដែនដី នគរូបនីយកម្ម និងសំណង់ បានសសេរថា ឆ្នេរសមុទ្រស្អាតនៅខេត្តព្រះសីហនុរបស់កម្ពុជា ។
សូមបញ្ជាក់ដែថានៅរសៀល ថ្ងៃអង្គារ៍ ទី ២៦ ខែមីនា ឆ្នាំ ២០១៩ ឆ្នេរសមុទ្រក្នុងខេត្តព្រះសីហនុលែងមានទឹកកខ្វក់ហូរចូលទៀតហើយ តទៅនេះឆ្នេរសមុទ្រនៅខេត្តព្រះសីហនុ នឹងផ្លាស់ប្តូរទៅជាប្រក្រតីវិញហើយ ។
ទន្ទឹងនឹងនេះ ក្រោមការខំប្រឹងប្រែងយកចិត្តទុកដាក់ពីរាជរដ្ឋាភិបាល ក្នុងនោះការដឹកនាំផ្ទាល់ដោយឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ និងជាប្រធានគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា ដែលមានការចូលរួមពីអាជ្ញាធរ មន្ទីរអង្គភាពជំនាញ ពាក់ព័ន្ធ នានា និងប្រជាពលរដ្ឋគ្រប់មជ្ឍដ្ឋាន។
គួររំលឹកថា មុននឹងទទួលបានជោគជ័យជុំវិញការដោះស្រាយបញ្ហាទឹកកខ្វក់នៅខេត្តព្រះសីហនុកន្លងមក ស្ថាប័នក្រសួងពាក់ព័ន្ធចំនួន ៦បានរួមគ្នាចូលរួមដោះស្រាយបញ្ហាសំរាមឆ្នេរ និងតាមការដ្ឋានសំណង់ បណ្ដាញលូនានានៅក្នុងខេត្តព្រះសីហនុនេះ៕
