នៅពេលខាងមុខនេះ នៅថ្ងៃទី ០៩ មិថុនា ឆ្នាំ ២០១៩ នេះគឺជា «ទិវាហូបនំបញ្ចុក» រួមគ្នាទូទាំងប្រទេសកម្ពុជា មានថាពលរដ្ឋ កម្មករ កម្មការិនីរោងចក្រ មន្ត្រីរាជការ លោកគ្រូ អ្នកគ្រូ នោះទេ ។ ការហូបនំបញ្ចុករួមគ្នាទូទាំងប្រទេសនេះ គឺជាការអំពាវនាវរបស់សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដើម្បីបង្ហាញអំពី ការរួបរួមសាមគ្គីជាតិ និងឯកភាពជាតិដោយមិនប្រកាន់និន្នាការនយោបាយអ្វីឡើយហើយម្យ៉ាវវិញទៀតនំបញ្ចុកគឺក៏ជាអត្តសញ្ញាជាតិខ្មែរដែរ ។
សម្ដេចតេជោនាយករដ្ឋមន្ត្រី បានថ្លែងនៅថ្ងៃទី ៦ មិថុនា ២០១៩ ក្នុងឱកាសប្រគល់សញ្ញាបត្រជូននិស្សិតសាកលវិទ្យាល័យពុទ្ធិសាស្ត្រថា «មិនមែនរាប់រយតោនទេ ខ្ញុំគិតថា អាចនឹងចូលដល់រាប់ពាន់តោនឯណោះ បើហូបនំបញ្ចុកមួយប្រទេសនោះ» ។
ទោះបីជាយ៉ាងណាក៏ដោយសម្ដេចអំពាវនាវឱ្យប្រុងប្រយ័ត្នចំពោះការពុលនំបញ្ចុក ព្រោះករណីនេះ ធ្លាប់កើតឡើងហើយ ។ ជាការប្រសើរបងប្អូនគួរតែធ្វើនំបញ្ចុកហូបដោយខ្លួនឯងជាជាងទិញពីគេ ៕
ដក់ស្រង់ពី ប្រជាប្រិយ ដោយ ៖ សុខជា
