ភ្នំពេញ៖ ជនសង្ស័យ០២នាក់ បានលួចម៉ូតូពីម្តុំមុខព្រលានយន្តហោះអន្តរជាតិភ្នំពេញ លុះឃើញប៉ូលិសចាប់មួកនិងកញ្ចក់ ក៍ផ្តួលម៉ូតូរត់គេច តែត្រូវសមត្ថកិច្ចព័ន្ធចាប់បាន ហេតុការណ៍ឃាត់ខ្លួននេះធ្វើឡើងកាលពីរសៀលថ្ងៃទី២១ ខែមីនា ឆ្នាំ២០១៩ ស្ថិតនៅចំនុចផ្លូវ១៥៦សង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ។
ប្រភពបានឲ្យដឹងថា ជនសង្ស័យ២នាក់ជិះម៉ូតូសេ១២៥មួយគ្រឿងស្លាកលេខមិនប្រក្រតី ខណះពេលនោះ សមត្ថកិច្ចក៏ បានឃាត់ឱ្យឈប់ដើម្បីត្រួតពិនិត្យគ្រាន់តែឃើញសមត្ថកិច្ចភ្លាម ជនសង្ស័យទាំង២នាក់ខាងលើបានផ្តួលម៉ូតូចុះ រត់បំរុងនិងគេចខ្លួន កម្លាំងសមត្ថកិច្ចក៏បានរត់ដេញប្រផិតប្រភីញ ផ្អើលពលរដ្ឋស្ទាក់ចាប់បានទាំង២នាក់ យកមកសាកសួ នៅប៉ុស្តិ៍នគរបាលទឹកល្អក់ទី២ ឃុំខ្លួនជាច្រើនម៉ោងទើបជនសង្ស័យសម្រចចិត្តសារភាពថា ពួកគេទាំង២នាក់ពិតជាចោរលួច ចោរឆក់យ៉ាងសកម្មក្នុងរាជធានីភ្នំពេញ ។
ហើយម៉ូតូដែលពួកគេជិះនេះ គឺពួកគេទើបនិងលួចបាន នៅមម្តុំមុខព្រលានយន្តហោះ អន្តរជាតិភ្នំពេញ បំរុងជិះយកទៅលក់ម្តុំឃ្លាំងរំសេវ ដែលជាកន្លែងទទួលទិញ បញ្ចាំម៉ូតូកាវដាយ តែជាថ្ងៃអន្សាត្រូវសមត្ថកិច្ចឃាត់ខ្លួនបាន។
បច្ចប្បន្នជនសង្ស័យទាំងពីរនាក់ព្រមទាំងវត្ថុតាង ត្រូវបានបញ្ចូនទៅតុលាការដើម្បីចាតការតាមនិតិវិធី៕
ប្រភព៖ FB
