កីឡាករបាល់ទាល់ល្បីឈ្មោះ Neymar ត្រូវបានចាប់ខ្លួនកាលពីយប់មិញ ពាក់ព័ន្ធនឹងបញ្ហា…..

0
1856

កីឡារ៖ កីឡាករបាល់ទាល់ Neymar បានធ្វើសាក្សី អស់រយៈពេលជិត២ម៉ោង នៅក្នុងទីស្នាក់ ការប៉ូលិស នៅឯទីក្រុង Rio de Janeiro (រីយ៉ូដឺជេនេរ៉ូ) កាលពីថ្ងៃព្រហស្បតិ៍សប្ដាហ៍នេះ ដែលជាផ្នែកមួយនៃការស៊ើប អង្កេត ទៅលើការចោទប្រកាន់ពីបទរំលោភសេពសន្ថវៈ។ នេះបើតាមការចេញផ្សាយ ដោយសារ ព៍ត៌មាន CGTN នៅថ្ងៃទី០៨ ខែមិថុនា ឆ្នាំ ២០១៩។

កីឡាបាល់ទាត់រូបនេះ បានជួបជាមួយមនុស្សម្នាក់ មានឈ្មោះ Najila Trindade អាយុ២៦ឆ្នាំ កាលពីថ្ងៃទី ១៥ ខែឧសភា នៅឯសណ្ឋាគារមួយកន្លែងនៅទីក្រុងប៉ារីស អំឡុងពេលដែល Neymar បានលេងនៅលីគទី១ នៃក្លឹប Paris St-Germain (PSG)។ Neymar បានបដិសេធរាល់ការចោទប្រកាន់ប្រឆាំងនឹងរូបលោក ហើយបាន ហៅរឿងហេតុពេលនោះថាជា «អន្ទាក់» ដែលជាវីដេអូបង្ហោះនៅបណ្ដាញInstagram កាលពីថ្ងៃទី ២ ខែមិថុនា។ Neymar ធ្លាប់បានពន្យល់ពីទំនាក់ទំនងរបស់លោក ជាមួយនារីម្នាក់នោះ ដោយលោកបាន និយាយថា គឺជាអន្ទាក់។

សហព័ន្ធកីឡាបាល់ទាត់ប្រេស៊ីល បានរាយការណ៍ កាលពីពេលមុនថា Neymar បានទទួលដីកាកោះ ហៅពីតុលាការ ដើម្បីនិយាយជាមួយអាជ្ញាធរអំពីការបង្ហោះរបស់គាត់ នៅលើប្រព័ន្ធផ្សព្វផ្សាយ សង្គម អំពីរូបភាព និងសារ របស់អ្នកជាប់ចោទ ដោយគ្មានការអនុញ្ញាតពីខាងស្រី(Trindade) ក្នុងការរំលោភ លើភាពឯកជនរបស់នាងលើអ៊ីនធឺណែត។

Neymar បានមកធ្វើសក្ខីកម្មក្នុងរយៈពេលខ្លី បន្ទាប់ពីម៉ោង ៧ យប់ ហើយបានចាកចេញមុនពេលម៉ោង ៩យប់ (ម៉ោងក្នុងតំបន់)។ គាត់បាននិយាយទៅកាន់អ្នកកាសែតនៅឯទីស្នាក់ការប៉ូលិស ប៉ុន្តែមិនបានផ្តល់ ព័ត៌មានលម្អិតអំពីសក្ខីកម្មរបស់គាត់ នៅក្នុងករណីឧក្រិដ្ឋកម្មតាមអ៊ីនធឺណែតនោះឡើយ៕

ដកស្រង់ពី Freshnews ដោយ សុខជា

LEAVE A REPLY

Please enter your comment!
Please enter your name here