ភ្នំពេញ៖ យោងតាមផេករបស់រដ្ឋបាលរាជធានីភ្នំពេញថា គិតត្រឹមថ្ងៃទី១៧ ខែមីនា ឆ្នាំ២០១៩នេះ ការដ្ឋានកាយស្តារសំរាម និងភក់ នៅប្រឡាយស្ទឹងមានជ័យ សម្រេចបានបរិមាណ ៤២.៧៨១ម៉ែត្រគូប នៃគម្រោងសរុប ៤៨.២៣៩ម៉ែត្រគូប ត្រូវជា ៨៩% ។
សូមបញ្ជាក់ដែរថា គម្រោងកាយស្តារប្រឡាយស្ទឹងមានជ័យនេះ មានប្រវែង ១.៤៩៨ម ចាប់ពីស្ពានអាកាសស្ទឹងមានជ័យ ដល់ផ្លូវលេខ ៣៧១ សម្រាប់ដោះស្រាយទឹកលិចនៅផ្លូវលេខ ២០០៤ ស ឡា តំបន់ខាងកើតព្រលានយន្តហោះ ខណ្ឌសែនសុខ និងខណ្ឌពោធិ៍សែនជ័យ ៕
