(កំពត) សម្តេចតេជោ ហ៊ុន សែន ថ្លែងក្នុងពិធីចុះជួបសំណេះសំណាលជាមួយបងប្អូនកម្មករ កម្មការិនីប្រមាណ ១១,៧៣៨នាក់ មកពីរោងចក្រ សហគ្រាសចំនួន១២ ក្នុងខេត្តកំពត នាព្រឹកថ្ងៃទី២៥ ខែមករា ឆ្នាំ២០១៩។
ប្រមុខរដ្ឋាភិបាលសម្តេចតេជោ ហ៊ុន សែន ប្រកាសថានឹងទប់ស្កាត់ឧក្រិដ្ឋកម្មគ្រឿងញៀនឲ្យខាងតែបាន ដោយចាប់ផ្តើមចេញពីសំណុំរឿងគ្រឿងញៀនដែលបានរកឃើញនៅក្លឹបកំសាន្តរ៉ក់ទៅ ដោយថាទោះបី មេទ័ព និងតុលាការចេញការពារក៏មិនលើកលែងដែរ។
ម្ចាស់ក្លឹបកំសាន្តរ៉ក់ លោកឧកញ៉ា គិត ធាង ត្រូវបានសាលាដំបូងរាជធានីភ្នំពេញ សម្រេចឃុំខ្លួនបណ្តោះអាសន្តនៅថ្ងៃអង្គារនេះ ទាន់ទិនការរកឃើញគ្រឿងញៀនប្រហែល៥០គីឡូក្រាម ។
សម្តេចតេជោ ហ៊ុន សែន ក្នុងពិធីបិទបិទសន្និបាតបូកសរុបការងាររបស់ក្រសួងសុខាភិបាលនៅថ្ងៃអង្គារនេះ ថ្លែងថា លោកសម្រេចលូកដៃចូលក្នុងសំណុំរឿងនេះ ដើម្បីរកឧក្រិដ្ឋជនឲ្យឃើញ។សម្តេចតេជោ ព្រមានថា តុលាការក៏មិនរួចខ្លួនដែរ បើកាត់ក្តីសំណុំរឿងនេះមិនបានហ្មត់ចត់។
សម្តេចតេជោ ថា៖ «ខ្ញុំជូនសារជាថ្មីម្តងទៀត ប៉ុន្តែមិនមែនជាសារជះឥទ្ធិពលទៅលើតុលាការទេ។ ប៉ុន្តែត្រូវ តែធ្វើឲ្យហ្មត់ចត់ បើមិនហ្មត់ចត់ទេ តុលាការឯងក៏មិនរួចខ្លួនដែរ។ ខ្ញុំសូមជំរាប ខ្ញុំ មិនព្រមាន តុលាការទេ។ក៏ប៉ុន្តែខ្ញុំមិនសុខចិត្ត!»។
សម្តេចតេជោ ហ៊ុន សែន បង្ហើបផងដែរថានៅមានក្លឹបកំសាន្តមួយទៀត ជាប់ពាក់ព័ន្ធនឹងការធ្វើការចែកចាយគ្រឿងដូចក្លឹបកំសាន្តរ៉ក់នេះដែរប៉ុន្តែលោកថាពេលនេះបានរក្សាភាពស្ងៀមស្តាត់។ មេដឹកនាំរូប នេះព្រមានទៀតថា កងទ័ពក៏ត្រូវកម្ទេចផងដែរបើហ៊ានលូកដៃកាងមេខ្លោងជួញដូរគ្រឿងញៀន ។
សម្តេចតេជោ ថា៖ «ខ្ញុំហ៊ាននិយាយថា កងទ័ពទោះមួយកងពល ឬពីរកងពលក៏ខ្ញុំវៃក្រវាត់ចោលទាំងអស់។ដូច្នេះក្រុមគ្រឿងញៀនត្រូវតែមើលឲ្យច្បាប់អំពីចំណុចនេះ។យើងត្រូវចាប់ផ្តើមសកម្មភាពពីរ៉កនេះមួយ ដើម្បីបង្ហាញថា មិនមែនបញ្ហាគ្រាន់តែចាប់អាតូចតាចទេ»។
បើតាមសម្តេចតេជោ ហ៊ុន សែន អ្នករងគ្រោះដោយ សារគ្រឿងញៀន បានកើនឡើងទ្វេដងគិតត្រឹម ឆ្នាំ២០១៨ ដោយថានៅឆ្នាំ២០១៧អ្នករងគ្រោះដោយសារគ្រឿងញៀនមកព្យាបាន៤ពាន់នាក់ ប៉ុន្តែឆ្នាំ២០១៨ឡើងដល់៨ពាន់នាក់៕ប្រភពVOD
