តារាចម្រៀងសាន់ដេ សុខ មេសា ហៅនាយចឺម ទើបរកបានសង្សារថ្មីស្រីស្អាតឈ្មោះ ប៊ែលឡា ហៅអូនហ្វា សាច់ឡើងសខ្ចីម៉ដ្ឋខៃ ទើបធ្វើឱ្យប្រុសៗមិនតិចនាក់ទេ ដែលលួចច្រណែនលោកចឺម។ ប៉ុន្តែសង្សារនាយចឺម អូនហ្វា វិញបានឱ្យដឹងថាក្រោយត្រូវសារព័ត៌មានផ្សព្វផ្សាយថានាងជាសង្សារទី៣ របស់នាយចឺមនោះដំណឹងនេះបានដឹងដល់ក្រុមគ្រួសាររបស់នាងហើយធ្វើឱ្យពួកគាត់មានការបារម្ភចំពោះរូបនាងខ្លាំងណាស់បើទោះជានាងព្យាយាមពន្យល់ប្រាប់ពួកគាត់ថាមានអីទេសូមកុំភ័យក៏ដោយ។
ស្រីស្រស់ប៊ែលឡា ហៅអូនហ្វា ដែលបានបង្កាត់ភ្លើងស្នេហាជាមួយនាយចឺមក្រោយពេលពួកគេបានថតំវជាមួយគ្នាបទសុំទោសប៊ិក សុំទោសសៀវភៅនោះបានឱ្យដឹងថា រឿងខ្ញុំហ្នឹង តាំងពីគេចុះផ្សាយមកដឹងដល់គ្រួសារខ្ញុំពិបាកដែរហ្នឹងព្រោះពួកគាត់នៅខេត្តប្រកាន់ច្រើនបន្តិចហើយ។ ចំពោះខ្ញុំនិងបងចឺម វិញមិនអីទេអាចទទួលយកបានអត់បញ្ហាទេតែចាស់ៗគាត់មិនគិតអ៊ីចឹងទេចេះតែបារម្ភហើយពេលដឹងអីចឹង។
នាយចឺម ស្រលាញ់អូនហ្វា ដែលមានសាច់សខ្ចីរលើបរលោងម៉ដ្ឋខៃនោះខ្លាំងជាងអតីតសង្សារទាំង២របស់នាយ គឺពុធ ស្រីខួច និងអូនម៉ីម៉ី ទៅទៀតព្រោះពេលនាយឡើងច្រៀងតាមឆាកតន្ត្រីតែងដឹកស្រីស្អាតប៊ែលឡាទៅជាមួយជានិច្ចទើបធ្វើឱ្យតារាប្រុសៗមិនតិចនាក់ឡើយ ច្រណែននាយចឺមជាខ្លាំង ថាពិតជាខ្លាំងមែនរកបានសង្សារសុទ្ធតែជាស្រីស្អាតណាស់។
ការភ្ជាប់ស្នេហ៍ថ្មីរបស់នាយចឺម ជាមួយអូនហ្វា នៅពេលនេះធ្វើឱ្យរឿងដែលគេសង្ស័យថា នាយចឺម មានស្នេហាជាមួយថៅកែផលិតកម្ម BKS លោកឈុន សុវណ្ណភក្តី ត្រូវបានបន្សាប។
ប៉ុន្តែទស្សនិកជនរង់គេចាំមើលថា នាយចឺម អាចរក្សាការពារសង្សារថ្មីនេះមិនឱ្យប្រុសផ្សេងៗទៀតឆក់បានដូចមុនទៀតបានឬអត់ព្រោះអូនហ្វា មានប្រុសអ្នកមានច្រើនតាមប្រជែងស្នេហ៍ជាមួយតារាសាន់ដេនេះផងដែរ៕
ប្រភព៖ FB
