ភ្នំពេញ ៖ ទុស្សេខ្សែភ្លើងឆេះផ្សារតាសេក បំផ្លាញតូបអស់ជិត១០ នៅខណ្ឌពោធិ៍សែនជ័យ ហេតុការណ៍នេះបានកើតឡើង កាលពីវេលាម៉ោង ១១និង៤០នាទីយប់ ថ្ងៃពុធ ទី៦ ខែមិនា ឆ្នាំ២០១៩នេះ នៅចំណុចតូបលក់អីវ៉ាន់ចាប់ហួយ ក្នុងបរិវេណផ្សារតាសេក ស្ថិតក្នុង ភូមិតាសេក សង្កាត់កំបូល ខណ្ឌពោធិ៍សែនជ័យ រាជធានីភ្នំពេញ។
មុនពេលកើតហេតុ គេបានឃើញមានផ្សែងហុយចេញពីខាង ក្នុងតូប លក់អីវ៉ាន់ចាប់ហួយខាងលើ និងលាយឡំជាមួយអណ្តាតភ្លើង ទើប នាំគ្នាស្រែកឆោឡោឡើង និងរាយការណ៍ប្រាប់សមត្ថកិច្ចមូលដ្ឋាន ចុះមកពិនិត្យមើលជាក់ស្ដែង។ បន្ទាប់ពីទទួលបានដំណឹងនេះ ភ្លាមកម្លាំងចុះអន្តរាគមន៍ និងទាក់ទងរថយន្តពន្លត់អគ្គិភ័យជាច្រើនគ្រឿងមកអន្តរាគមន៍ផងដែរ។ មូលហេតុ ដោយសារទុស្សេខ្សែភ្លើង បណ្ដាលឲ្យឆេះរាលដាលឡើង និងខូចខាតសម្ភារៈ តូបលក់អីវ៉ាន់ចាប់ហួយចំនួន៨តូប។
ប្រតិបត្តិការពន្លត់អគ្គិភ័យនេះ សមត្ថកិច្ចបាន ប្រើប្រាស់រថយន្តពន្លត់អគ្គិភ័យចំនួន៤គ្រឿង បាញ់អស់ទាំង៤គ្រឿង ដោយធ្វើការពន្លត់រហូត រលត់ទាំងស្រុង នៅម៉ោង១និង៣០នាទីយប់ រំលងអធ្រាត្រឈានចូលថ្ងៃព្រហស្បតិ៍ ទី៧ ខែឆ្នាំដដែល ៕
ប្រភព៖ FB
