(ភ្នំពេញ) រាជធានីភ្នំពេញ ជាប់ចំណាត់ថ្នាក់លេខមួយ ខេត្តសៀមរាប បានចំណាត់ថ្នាក់លេខពីរ ខណៈខេត្តកែប បានចំណាត់ថ្នាក់លេខបី សម្រាប់ជ័យលាភី Best Countdown City of Year ដែលឆ្លងចូលឆ្នាំ២០១៩។
នាព្រឹកថ្ងៃចន្ទ ទី២៥ ខែកុម្ភៈ ឆ្នាំ២០១៩នេះ សម្តេចនាយករដ្ឋមន្ត្រី ហ៊ុន សែន បានចែករង្វាន់ដល់ជ័យលាភីទីក្រុងដែលមានពិធីបុណ្យចូលឆ្នាំសកលល្អជាងគេប្រចាំឆ្នាំ (Best Countdown City of Year) ក្រោមការវិនិច្ឆ័យរបស់គណៈកម្មាធិការវាយតម្លៃទីក្រុងស្អាត (គ.ជ.វ.ទ)។
ឯកឧត្តម ឃួន ស្រេង អភិបាលរាជធានីភ្នំពេញ ឯកឧត្តម ពៅ ពិសិដ្ឋ អភិបាលរងខេត្តសៀមរាប និងឯកឧត្តម កែន សត្ថា អភិបាលខេត្តកែប បានឡើងទទួលជ័យលាភីដោយផ្ទាល់ពីសម្តេចនាយករដ្ឋមន្ត្រី ហ៊ុន សែន៕
