ជនជាតិចិនស្រវឹ ស្រា បើករថយន្តលឿនរេចង្កូតទៅបុករះរទេះលក់គុយទាវ និងផ្ទះប្រជាពលរដ្ឋសងលុយ៨០០០ដុល្លារបញ្ចប់រឿង

(ភ្នំពេញ ) ៖ ជនជាតិ ចិន ស្រវឹងស្រាបើករថយន្ត លឿន រេចង្កូតទៅបុករះរទេះលក់គុយទាវ និងផ្ទះប្រជាពលរដ្ឋ បណ្ដាល ឲ្យ រង ការ ខូចខាត យ៉ាងដំណំ នៅម៉ោងជាង២យប់ ថ្ងៃ ទី២៥ ខែកុម្ភៈ ឆ្នាំ ២០១៩ នៅ តាមបណ្ដោយផ្លូវ ២៧១ ស្ថិតក្នុងសង្កាត់ បឹងសាឡាង ខណ្ឌទួលគោក ។

ប្រភពព័ត៌មានពីកន្លែងកើតហេតុបានប្រាប់ឲ្យដឹងថា នៅមុនពេលកើតហេតុ គេឃើញជនជាតិចិនមួយក្រុម មានប្រុសស្រីចំនួន៤នាក់ ស្រវឹង ស្រាជោគជាំ បានបើករថយន្តមួយគ្រឿងម៉ាក Highlander ពណ៌ស្ករ ពាក់ស្លាកលេខ ភ្នំពេញ 2AP-8199 ក្នុងល្បឿនលឿន លុះមកដល់ ចំណុចកើតហេតុ ស្រាប់តែរថយន្តបានរេចង្កូតងាកមកស្ដាំដៃជ្រុលទៅបុករះ រទេះ លក់ គុយទាវ របងផ្ទះប្រជាពលរដ្ឋ និងរថយន្តមួយគ្រឿង ទៀត ម៉ាក Lexus LX470 ពណ៌ស្ករ ពាក់ស្លាក ភ្នំពេញ 2AK-0055 បណ្ដាល ឲ្យរងការខូចខាតយ៉ាងដំណំ តែសំណាងល្អ ហេតុការណ៍ មិន បណ្ដាលឲ្យមាននរណាម្នាក់រង គ្រោះថ្នាក់នោះទេ ។

ក្រោយពេលកើតហេតុ ភាគីរថយន្តបង្កខាងលើ បានចុះមកដោះស្រាយសងសំណងទៅឲ្យភាគីខាងម្ចាស់ផ្ទះ និងម្ចាស់រទេះគុយទាវ គិតជា ទឹកប្រាក់អស់ចំនួន ៨០០០ដុល្លារអាមេរិក ដើម្បីបញ្ចប់ រឿងនៅ នឹងកន្លែងតែម្ដង ៕