ខេត្តព្រះសីហនុ៖ នៅវេលាម៉ោង ១០និង១៥នាទី ថ្ងៃទី១១ ខែកុម្ភៈ ឆ្នាំ២០១៩នេះ លើផ្លូវដែក ត្រង់ចំណុចភូមិព្រែកទល់ ឃុំទឹកថ្លា ស្រុកព្រៃនប់ ខេត្តព្រះសីហនុករណីគ្រោះថ្នាក់ចរាចរណ៍មួយកើតឡើង បង្កដោយ រថយន្តបែនដឹកដី ០១គ្រឿងម៉ាក HYUNDAI បានបុកនឹង រថភ្លើង ដែលមានទិសដៅពីខេត្តព្រះសីហនុ ឆ្ពោះទៅ ភ្នំពេញ បណ្ដាលឲ្យធ្លាក់ក្បាលរថភ្លើង ចេញពីលើផ្លូវដែក ។
សមត្ថកិច្ចបានឲ្យដឹងថា រថយន្តបង្កម៉ាក HYUNDAI ពណ៌ ទឹកប្រាក់ គ្មានស្លាកលេខ ធ្វើដំណើរទិសដៅពីលិចទៅកើត លុះដល់ចំណុចខាងលើ បានបុករថភ្លើង ដែលមានទិសដៅពីខេត្តព្រះសីហនុ ឆ្ពោះទៅភ្នំពេញ បណ្ដាលឲ្យធ្លាក់ក្បាលរថភ្លើង ចេញពីលើផ្លូវដែក ។ សមត្ថកិច្ចបន្តថា ករណីគ្រោះថ្នាក់នេះពុំមានអ្នករងរបួសទេ ។
ចំណែកអ្នកបើកបររថយន្ត បានរត់គេចខ្លួនបាត់ក្រោយពេលកើតហេតុ។ រីឯវត្ថុតាង រថយន្ត១គ្រឿង បានយកមករក្សាទុកនៅអធិការដ្ឋាន នគរបាលស្រុកព្រៃនប់ ដើម្បីដោះស្រាយនៅពេលក្រោយ៕
ប្រភព៖ FB
