បុរសម្នាក់ជិះកង់បត់មិនប្រយ័ត្ន បណ្តាលឲ្យម៉ូតូដែលជិះស្របគ្នា បុកពេញទំហឹងបណ្តាលឲ្យមនុស្ស៣នាក់រងរបួស..

ថ្ងៃទី០៤ ខែកុម្ភៈ ឆ្នាំ២០១៩ វេលាម៉ោង ០៩ និង ៣០ នាទី នៅលើផ្លូវជាតិលេខ៧ ចន្លោះបង្គោលគីឡូម៉ែត្រលេខ២០២​/២០៣ ស្ថិតនៅភូមិជីប៉េះ ឃុំមេមត់ ស្រុកមេមត់ ខេត្តត្បូងឃ្មុំ មានគ្រោះថ្នាក់ចរាចរណ៍មួយ​បានកើត​ឡើងរវាង​កង់ និងម៉ូតូ បង្កឲ្យរបួសមនុស្ស ០៣ នាក់ និងខូចខាតម៉ូតូ ០១ គ្រឿង ។

យោងតាមប្រភពកន្លែងកើតហេតុបានឲ្យដឹងថា ៖ កង់ពណ៌ខ្មៅ បេីកបរពីទិសខាងលិចទៅទិសខាងកេីត បេីកបរតាមចិញ្ចេីមផ្លូវខាងជេីង (លើចិញ្ចេីមផ្លូវខាង​ឆ្វេង) លុះបេីកដល់ចំណុចកេីតហេតុបានបត់ឆ្លងផ្លូវមកខាងត្បូង (បត់មកខាងឆ្ដាំ) ស្របពេលនោះម៉ូតូម៉ាកហុងដាឌ្រីមសេ១២៥ ពណ៌ខ្មៅ បេីកបរពីទិសខាងកេីតទៅទិសខាង​លិច បានបុកចំពីមុខពេញទំហឹងតែម្ដង ។​

កម្លាំងយើងបានដឹងព័ត៌មានបន្ថែមទៀតថា ៖ ម៉ូតូម៉ាកហុងដាឌ្រីមសេ១២៥ ពណ៌ខ្មៅ ពាក់ស្លាកលេខ ត្បូងឃ្មុំ​1F-7627 បេីកបរដោយឈ្មោះ​ យីន តុលា ភេទប្រុស អាយុ ១៨ ឆ្នាំ ជាតិខ្មែរ រស់នៅភូមិបុស្សតាអឹម ឃុំជាំតាម៉ៅ ស្រុកមេមត់ ខេត្តត្បូងឃ្មុំ​ មិនពាក់មួកសុវត្ថិភាព (របួសធ្ងន់) បានឌុបឈ្មោះ​ស៊ាន ហ៊ន ភេទប្រុស អាយុ១៨ឆ្នាំ ជាតិខ្មែរ រស់នៅភូមិ/ឃុំជាមួយ​(របួសស្រាល) ​។​ អ្នកកង់ពណ៌ខ្មៅ បេីកបរដោយឈ្មោះ ធី សារ៉ន ភេទប្រុស អាយុ៦៧ឆ្នាំ ជាតិខ្មែរ រស់នៅភូមិខ្នងក្រពេីលិច ឃុំត្រមូង ស្រុកមេមត់ ខេត្តត្បូងឃ្មុំ​(របួសធ្ងន់)។​

បច្ចុប្បន្នអ្នករបួសបានយកមកសង្រ្គោះនៅមន្ទីរពេទ្យបង្អែកស្រុកមេមត់ ។ វត្ថុតាង​:កង់ចំនួន​០១គ្រឿង និងម៉ូតូចំនួន​០១គ្រឿង សមត្ថកិច្ចនគរបាលចរាចរណ៍បានយកមករក្សាទុកនៅអធិការដ្ឋាននគរបាលស្រុកមេមត់ ដេីម្បីបំពេញសំណុំរឿងតាមនីតិវិធី៕

ប្រភព៖ FB