ខេត្តព្រះវិហា៖ អាពាហ៍ពិពាហ៍ថ្មីថ្មោងទើបតែបាន៥ថ្ងៃ រស់នៅមិនចុះសម្រុងគ្នា ទាស់សម្តី ដោយសារតែភ្លើងប្រច័ណ្ឌ បុរសជាប្តីបានទាញកាំភ្លើង អាកាស្វាយបត់ បាញ់សម្លាប់ប្រពន្ធ និងបាញ់ខ្លួនឯងជាក្រោយ បង្កការភ្ញាក់ផ្អើល នៅម៉ោង៦ល្ងាច ថ្ងៃទី៣ ខែកុម្ភះ ឆ្នាំ២០១៩ នៅក្នុងវរះសេនាតូចលេខ៣៩៣ ស្ថិតក្នុងភូមិសាស្ត្រភូមិរុងរឿង១ ឃុំទឹកក្រហម ស្រុកជាំក្សាន្ត ខេត្តព្រះវិហារ។
ប្រភពព័ត៌មានពីសាច់ញាតិ ដែលសមត្ថកិច្ចទទួលបាន ហឹង្សានេះកើតឡើងនោះ ក៏ព្រោះដោយសារតែភ្លើងប្រច័ណ្ឌ ទើបធ្វើឲ្យមានទំនាស់នូវពាក្យ សំដីគ្នាបន្តិចបន្តួច រវាងប្តីប្រពន្ធទើបនឹងរៀបការ បានរយៈពេលតែ ៥ថ្ងៃនេះ ធ្វើឲ្យបុរស ជាស្វាមី បានស្ទុះយកកាំភ្លើងម៉ាក់Akស្វាយបត់ បាញ់ទៅលើប្រពន្ធ ដែលមាន ឈ្មោះ អ៊ុយ សុខដុម អាយុ១៦ឆ្នាំ ចំនួន២គ្រាប់ ត្រូវចំគល់ថ្គាមខាងស្ដាំ ធ្លាយមកក្បាលខាងក្រោយ ស្លាប់ក្នុងថ្លុកឈាម ក្រោយមកបុរស ដែលជាជនដៃដល់ ឈ្មោះ វង្យ តុល អាយុ៣២ឆ្នាំ មុខរបជាទាហាន ក៏បានបាញ់សម្លាប់ខ្លួនឯង តាមក្រោយតែម្តងដែរ។
សមត្ថកិច្ចស្រុកជាំក្សាន្ត ក៏បានចុះពិនិត្យនឹងធ្វើកោសល្យវិច្ច័យ លើសាកសពទាំងពីរអ្នកប្តីប្រពន្ធ ដោយសន្និដ្ឋានពិតជាស្លាប់ ដោយសារ ករណីដូចខាងលើនេះពិតប្រាកដមែន ហើយក៏បានប្រគល់សាកសពទាំង ២នាក់ប្តីប្រពន្ធ អោយក្រុមគ្រួសារយក ធ្វើបុណ្យតាមប្រពៃណី។ រីឯវត្ថុតាំងត្រូវបានយកមក រក្សាទុកអធិការដ្ឋាននគរបាល ស្រុកជាំក្សាន្ត ៕
ប្រភព៖ Heng Ly
