(ព្រះសីហនុ) រដ្ឋបាលខេត្តព្រះសីហនុ បានចេញសេចក្តីជូនដំណឹងដល់សាធារណជន ព្រមទាំងគ្រប់មន្ទីរ អង្គភាព និងគ្រប់ស្ថានប័ន្ធពាក់ព័ន្ធ ឫភ្នាក់ងារហិរញ្ញវត្ថុ ដែលមានការពាក់ព័ន្ធនឹងក្បាល ដីទាំងអស់ ដែលស្ថិតនៅក្នុងតំបន់ វិនិច្ឆ័យភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ។
ដើម្បីអនុវត្តតាមខ្លឹមសានៃអនុក្រឹត្យ នឹងយោងខាងលើ គណៈកម្មការដ្ឋបាល នឹងបើកកិច្ចប្រជុំផ្សព្វផ្សាយសេចក្តីប្រកាសកំណត់តំបន់ធ្វើការវិនិច្ឆ័យ ភូមិចំការកៅស៊ូ ឃុំជើងគោ ស្រុកព្រៃនប់ ខេត្តព្រះសីហនុ ជាតំបន់ចុះបញ្ជីដីធ្លីមានលក្ខណៈជាប្រព័ន្ធនៅថ្ងៃទី៣១ ខែមករា ឆ្នាំ ២០១៩ នៅបរិវេណសាលាឃុំជើងគោ ស្ថិតនៅក្នុងភូមិចំការកៅស៊ូ ។
សូមបញ្ជាក់ផងដែរថា គ្រប់មន្ទីរ អង្គភាព និងស្ថាប័ន ដែលមានការពាក់ព័ន្ធ និងក្បាលដីធ្លីដែលស្ថិតនៅក្នុងតំបន់វិនិច្ឆ័យខាងលើនេះ សូមចូលរួមពិធីប្រកាសផ្សព្វផ្សាយកំណត់តំបន់ធ្វើការវិនិច្ឆ័យឲ្យបានគ្រប់ៗគ្នា ។
ទន្ទឹងនឹងនោះដែរ គណៈកម្មការដ្ឋបាលនឹងធ្វើការណែនាំ ស្តីពិនិត្យវិធីនៃចុះបញ្ជីដីធ្លីមានលក្ខណៈជាប្រព័ន្ធ ច្បាប់ភូមិបាល និងឆ្លើយរាល់សំណួរទាក់ទងនឹងដំណើរការចុះបញ្ជីដីធ្លី តាមពេលវេលា និងទីកន្លែងផងដែរ ៕
