ខេត្តកំពង់ធំ៖ រថយន្តក្រុង បុកគូថរថយន្តបែនដឹកដីពេញទំហឹង ខណៈរថយន្តនេះបត់ចូល ខ្វះការប្រុងប្រយត្ន័ ហេតុការណ៍នេះបានកើតឡើងកាលពីថ្ងៃទី២៧ ខែ មករា ឆ្នាំ២០១៩ នៅលើផ្លូវជាតិលេខ៦ ក្នុងភូមិសំរោង ឃុំបារាយណ៍ ស្រុកបារាយណ៍ ខេត្តកំពង់ធំ ។
តាមប្រភពសាក្សីនៅកន្លែងកើតហេតុបានអោយដឹងថា៖ មុនពេលកើតហេតុ គេបានឃើញរថយន្តទាំង២ គ្រឿងនេះ បានបើកបរស្របទិសគ្នា ពីជើងទៅត្បូង ស្រាប់តែ រថយន្តដឹកដី បទឆ្វេង ខ្វះការប្រុងប្រយ័ត្ន ហើយរថយន្តទេសចរ ដឹកអ្នកដំណើរ បើកបរពីក្រោយ ជាន់ហ្វ្រាំងមិនទាន់ ជ្រុលទៅបុកគូទ រថយន្តដឹកដី គេចជ្រុលទៅបុកបង្គោលភ្លើង បណ្តាលខូចខាតក្បាលរថយន្ត ទាំងស្រុង តែ មិនក្រឡាប់ និងគ្មានអ្នករបួសធ្ងន់ គ្រាន់តែរបួសបន្តិចបន្តួច ហើយអ្នកបើកររថយន្តទាំង២ ចុះគេចខ្លួនបាត់ស្រមោល ។
រថយន្តទេសចរណ៍ដឹកអ្នកដំណើរ ម៉ាកហ៊ីយ៉ាន់ដាយ ពណ៌លឿងស្លាកលេខ ភ្នំពេញ 3C9892 និងរថយន្តដឹកដី ពាក់ស្កាកលេខ ភ្នំពេញ 3C0403 ក្រោយពេលកើតហេតុ អ្នកដំណើរបានបញ្ជូនអីវ៉ាន់ ទៅជិះរថយន្តផ្សេងទៀត ធ្វើដំណើរ ទៅភ្នំពេញ ទើបសមត្ថកិច្ចចុះអន្តរាគមន៍ វាស់វែងតាមក្រោយ និងប្រមូលយកវត្ថុតាងទៅ រក្សាទុកនៅអធិការដ្ឋាននគរបាលស្រុកបារាយណ៍រង់ចាំដោះស្រាយតាមក្រោយ ៕
credited to Heng Ly
