ពោធិ៍សាត់៖ ហេតុការណ៍នេះបានកើតឡើងកាលពីវេលាម៉ោង៧ៈ១៥នាទីយប់ថ្ងៃទី២៧ ខែមករា ឆ្នាំ២០១៩ នៅចំណុចមុខផ្ទះជនរងគ្រោះ ជាប់ផ្លូវជាតិលេខ៥ ខាងត្បូងថ្នល់ ស្ថិតនៅភូមិក្របីស ឃុំត្នោតជុំ ស្រុកក្រគរ ខេត្តពោធិ៍សាត់។
តាមប្រភពន្ចាស់រថយន្តបានអោយដឹងថា៖
មុនពេលកើតហេតុ គាត់បានចតរថយន្តនៅមុខផ្ទះ ស្រាប់តែមានជនសង្ស័យ បានធ្វើសកម្មភាពលួចរថយន្ត ពីកន្លែងកើតហេតុ ហើយបើកតាមផ្លូវជាតិមកទិសខាងកើតចូលដល់ទឹកដី ឃុំអូសណ្តាន់ បានប្រហែល២គីឡូម៉ែត្រ គាត់ចេញមកបាត់រថយន្ត ក៏នាំគ្នាដេញតាម ជាមួយកម្លាំងសមត្ថកិច្ច និងប្រជាការពារ រហូតឃាត់បានទាំងរថយន្ត និងជនសង្ស័យ។
រថយន្តដែលចោរលួចនោះ ម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 2A-8860 (ផ្ទុកគ្រឿងសំណង់) ម្ចាស់ឈ្មោះ ឈិន ហុក ភេទប្រុស អាយុ៣៥ឆ្នាំ ជនជាតិខ្មែរ រស់នៅភូមិក្របីស ឃុំត្នោតជុំស្រុកក្រគរ ខេត្តពោធិ៍សាត់។ ជនសង្ស័យឈ្មោះ នួន ពិសី ភេទប្រុស អាយុ ៣៧ឆ្នាំ ជនជាតិខ្មែរ ទីលំនៅបច្ចុប្បន្ន ភូមិវិហារខ្ពស់ឃុំសួង ស្រុកសួង ខេត្តត្បូងឃ្មុំ។
ឃាត់ខ្លួនជនសង្ស័យ មានប័ណ្ណបើកបររថយន្តរបស់ខ្លួន១ សន្លឹក បច្ចុប្បន្នជនសង្ស័យ ឃាត់ខ្លួននៅអធិការដ្ឋាននគរបាលស្រុកក្រគរ តាមបញ្ជាររបស់លោកព្រះរាជអាជ្ញាអមសាលាដំបូងខេត្តពោធិ៍សាត់ ចុះថ្ងៃទី ២៧ ខែមករា ឆ្នាំ ២០១៩ វេលាម៉ោង៩យប់ ដើម្បីរៀបចំសំណុំរឿងចាត់ការតាមនីតិវិធី ៕
ប្រភព៖ FB
