ទាហានជាច្រើននាក់បានរបួសធ្ងន់ស្រាល ក្នុងហេតុការណ៍រថយន្តដឹកខ្សាច់ របស់ក្រុមហ៊ុនស្រាបៀរអង្គរ បុករថយន្តដឹកក្បួនយោធា

កំពង់ស្ពឺ៖ ករណីគ្រោះថ្នាក់ចរាចរណ៍ រវាងឡានក្បួនដឹកកងទ័ព និងឡានដឹកខ្សាច់កាលពី ថ្ងៃទី២៤ ខែមករា ឆ្នាំ២០១៩ នៅតាមបណ្ដោយផ្លូវ ៥១ចំណុចភូមិតាឡាក់ ឃុំក្សេមក្សាន្ត ស្រុកឧដ្ដុង្គ ខេត្តកំពង់ស្ពឺ ។ ក្រោយពីបញ្ចប់បេសកកម្មខួប ២០ឆ្នាំ របស់កងទ័ពជើងគោក រួចមកកម្លាំងកងពលតូចថ្មើរជើងលេខ៥៣ បានវិលចូលបន្ទាយវិញ។

ឡានទាំងពីរ គឺធ្វើដំណើរបញ្ច្រាសទិសគ្នា ដល់ចំណុចកើតហេតុខាងលើ គឺឡានដឹកខ្សាច់របស់ក្រុមហ៊ុនស្រាបៀរអង្គរ បានឡើងវ៉ាម៉ូតូ ១គ្រឿង រួចក៏ជ្រុលចង្កូតចូលមកបុកឡានក្បួន របស់កងទ័ព ក្នុងជួរក្បួនឡានទី៤ បណ្ដាលឲ្យដាច់កាឡេ មុខធ្លាក់ស្នាមភ្លោះ និងបណ្តាលឲ្យរបួសកងទ័ពចំនួន៨ នាក់ ក្នុងនោះមានរបួសធ្ងន់ ២នាក់ ស្រាល ២នាក់និងរបួសមធ្យម ៤នាក់ ។