កំពង់ស្ពឺ៖ ករណីគ្រោះថ្នាក់ចរាចរណ៍នេះ បានកើតឡើងនៅវេលាម៉ោង៣និង១០នាទីទៀបភ្លឺ ថ្ងៃទី២៤ ខែមករា ឆ្នាំ២០១៩ នៅលើផ្លូវជាតិលេខ៤ ចន្លោះគីឡូម៉ែត្រ៧២-៧៣ ភូមិ តាឡាត់ចាស់ ឃុំអូរ ស្រុកភ្នំស្រួច ខេត្តកំពង់ស្ពឺ ។
តាមប្រភពសមត្ថកិច្ចបានអោយដឹងថា៖សាកសពមានឈ្មោះ វ៉ាន់ ដុក ភេទប្រុស អាយុ២៦ឆ្នាំ រស់នៅភូមិ ក្រាំង ប្រស្រុក ឃុំគីរីវន្ត ស្រុកភ្នំស្រួច ខេត្តកំពង់ស្ពឺ ជិះម៉ូតូម៉ាក ហុងដា សេ១២៥ ពណ៌ខ្មៅ ស៊េរី២០១៤ ពាក់ស្លាក ភ្នំពេញ 1CG-2994 ជិះឌុបឈ្មោះ សាន់ សៀម ភេទប្រុស អាយុ៣៤ឆ្នាំ រស់នៅភូមិឃុំជាមួយគ្នា រងរបួសធ្ងន់ ពេលមកដល់កន្លែងកើតហេតុត្រូវរថយន្តមិនស្គាល់ម៉ាកបុកពេញទំហឹងតែម្តង រួចបើកគេចបាត់។
លុះព្រឹកឡើងវេលាម៉ោង៧នឹង៣០នាទីព្រឹកដដែល សមត្ថកិច្ច បានចុះស្រាវជ្រាវជ្រាវ ឃើញសពអ្នកបើកបរម៉ូតូស្លាប់នៅកន្លែងកើតហេតុ ចំណែកអ្នករបួសត្រូវបានក្រុមគ្រួសារដឹកយកទៅ សង្គ្រោះនៅមន្ទីរពេទ្យខេត្ត។ ចំណែករថយន្តបង្ក ត្រូវបានកម្លាំងជំនាញ កំពុងស្រាវជ្រាវចាប់យកមកចាត់ការតាមនិតិវិធីច្បាប់៕
ប្រភព៖ FB
