ភ្នំពេញ៖ អគ្គីភ័យដ៏សន្ធោរសន្ធៅមួយទៀតបានឆាបឆេះផ្ទះវីឡាភ្លោះមួយខ្នង ខណៈដែលម្ចាស់ផ្ទះបាននាំគ្នាចេញទៅញ៉ាំអីនៅខាងក្រៅ លុះត្រលប់មកវិញទេីបភ្លេីងឆេះអស់ស្ទេីរទាំងស្រុងទៅហេីយ ហេតុការណ៍ដ៏គួរឲ្យភ្ញាក់ផ្អើលនោះបានកេីតឡេីងកាលពីវេលាម៉ោង១០យប់ ថ្ងៃទី២៣ ខែមករា ឆ្នាំ២០១៩ ត្រង់ចំណុចផ្ទះវីឡាលេខ១១ ស្ថិតតាមផ្លូវលេខ១៩ ក្នុងបុរីពិភពថ្មី ក្បែរផ្សារទំនើបអ៊ីអន ទី២ ស្ថិតក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
បេីតាមប្រភពពីសមត្ថកិច្ចបានអោយដឹងថានៅក្នុងករណីអគ្គីភ័យខាងលេីនេះ មិនបណ្តាលឲ្យមានអ្នករងរបួស ឬឆេះរាលដាលដល់ផ្ទះអ្នកជិតខាងនោះទេ គឺខូចខាតតែផ្ទះកេីតហេតុដែលមានចំនួនបីជាន់ និងសម្ភារៈជាច្រេីនទៀតដែលនៅក្នុងផ្ទះត្រូវបានភ្លេីងឆេះខូចអស់ស្ទេីទាំងស្រុង តែពិតជាសំណាងល្អណាស់ នៅពេលដែលសមត្ថកិច្ចប្រាប់ថា ”សម្ភារៈមួយចំនួនតូច និងទូរដែកមួយគ្រឿងទៀតមិនត្រូវបានភ្លេីងឆាបឆេះនោះទេ” ករណីខាងលើសមត្ថកិច្ចសណ្ឋានថាបណ្ដាលមកពីឆ្លងចរន្តអគ្គិសនីផ្ទុះសេខ្សែភ្លេីង។
រាល់អ្វីដែលងាយនិងឆាប់បង្កអោយឆេះ ត្រូវយកចិត្តទុកដាក់ឲ្យបានខ្ពស់ ព្រោះនៅដេីមខែមករា ឆ្នាំ២០១៩នេះ ឃេីញថាអគ្គីភ័យកេីតឡេីងសឹងរាល់ថ្ងៃ ជាពិសេសនៅប៉ុន្មានថ្ងៃនេះ គឺមានករណីអគ្គីភ័យជាប់គ្នាៗតែម្ដង! ដូច្នេះហេីយសូមបងប្អូនប្រជាពលរដ្ឋមានការប្រុងប្រយត្ន័អោយបានខ្ពស់ ដេីម្បីកុំអោយមានគ្រោះអគ្គីភ័យកេីតឡេីងចំពោះបងប្អូន ៕
ប្រភព៖ ម៉េង អ្នកសារព័ត៌មាន អត់លុយ
