ស្លាប់ ៤ នាក់ និងរបួស ១១ នាក់ ដោយសារគ្រោះថ្នាក់ចរាចរណ៍ នៅចំណុចអន្ទង់អាំងធំ ស្រុកបុទុមសាគរ

ខេត្តកោះកុង៖ នៅមុនេះបន្តិច វេលាម៉ោង ១២.៣០ នាទីថ្ងៃត្រង់ ថ្ងៃទី ២៣ខែ១២ ឆ្នាំ ២០១៨ មានករណីរថយន្តក្រឡាប់ដោយខ្លួនឯង នៅចំណុចអន្ទង់អាំងធំ ចន្លោះគីឡូម៉ែតលេខ ៦១.៦២ ស្ថិតក្នុងភូមិជីមាល ឃុំអណ្តូងទឹក ស្រុកបុទុមសាគរ ខេត្តកោះកុង
បណ្តាលឲ្យមនុស្សស្លាប់ចំនួន ៤ នាក់ ស្រី ២ នាក់ . រងរបួសធ្ងន់ ៥ នាក់ ស្រី ៣ នាក់ និងរបួសស្រាល ៦ នាក់ ស្រី ១ នាក់ ។

បើតាមប្រភពអ្នកនៅជិះកន្លែងកើតហេតុបានប្រាប់ឲ្យដឹងថាៈ មកពីអ្នកបើកបរ មិនស្គាល់ភូមិសាស្ត្រច្បាស់លាស់ និងបើកបរប្រើល្បឿនលឿន ពេលចុះចំណោទ ជាន់ប្រាំងមិនស៊ី ដាក់លេខមិនចូល ។

គួរបញ្ជាក់ផងដែរថា រថយន្តកូរេពណ៌ស បើកបរពីខេត្តកំពង់ស្ពឺ មកខេត្តកោះកុង ជារថយន្តក្រុមភ្លេង ដើម្បីមកច្រៀងក្នុងពិធីមង្គការរបស់ប្រជាពលរដ្ឋ នៅឃុំត្រពាំងរូង ស្រុកកោះកុង លុះមកដល់ចំណុចកើតហេតុខាងលើ បានក្រឡាប់ធ្លាក់ផ្លូវ ។ បច្ចុប្បន្ន ជនរងគ្រោះបានបញ្ជូនទៅមន្ទីរពេទ្យ ៕

ប្រភព៖ FB