ភ្នំពេញ ៖ កាលពីវេលាម៉ោង១១យប់ថ្ងៃទី២០ ខែធ្នូ ឆ្នាំ ២០១៨ នារីវ័យក្មេងម្នាក់បើករថយន្តស៊េរីទំនើបម៉ាកលុច្សស៊ីសGS-300មួយគ្រឿង បត់ឆ្លងផ្លូវលឿនពេកបួងចង្កូតមកវិញមិនទាន់ជ្រុល បុករះម៉ូតូមួយគ្រឿងចតនៅចិញ្ចើមផ្លូវ និងបុកចូលផ្ទះប្រជាពលរដ្ឋបណ្តាលឲ្យបាក់ ទ្វារអស់៤ផ្ទាំងខូចខាតយ៉ាងដំណំ។
ចំណែកម្ចាស់រថយន្ត រងរបួសដៃម្ខាង ស្ថិតនៅចំណុចផ្លូវ១០១៣ ក្នុងសង្កត់ភ្នំពេញថ្មី ខណ្ឌសែនសុខ រាជធានីភ្នំពេញ។មុនកើតហេតុគេឃើញនារីវ័យក្មេងម្នាក់បើករថយន្តមួយគ្រឿងម៉ាកលុច្សស៊ីសGS-300 ពណ៌ស ពាក់ស្លាកលេខ ភ្នំពេញ2AW-9904 ធ្វើដំណើរចេញពីរផ្លូវបេតុងគ្មានលេខទិសដៅពីលិចទៅកើត។
លុះមកដល់ចំណុចកើតហេតុខាងលើ បានបត់ឆ្វេងដៃមកផ្លូវ១០១៣ក្នុងល្បឿនលឿនពេកបួងចង្កូតមកវិញមិនទាន់ បណ្តាលឲ្យជ្រុលទៅបុកម៉ូតូមួយគ្រឿងម៉ាកឃ្លីក ពណ៌ស ពាក់ស្លាកលេខ1CU-3062 ចតនៅតាមចិញ្ចើមផ្លូវបណ្តាលឲ្យខូចខាតតិចតួចរួចបន្តទៅបុកចូលផ្ទះប្រជាពលរដ្ឋបាក់ទ្វារចំនួន៤ផ្ទាំង។
ចំណែកម្ចាស់រថយន្តបង្កបានរងរបួសដៃម្ខាងត្រូវបានសាច់ញាត្តិបញ្ជូនទៅសង្គ្រោះដោយខ្លួនឯង។ រីឯរថយន្តបង្កផ្ទប់និងជញ្ជាំងផ្ទះខូចខាតផ្នែកខាងមុខយ៉ាងដំណំ ៕
ប្រភព៖ FB
