កាំកុងត្រូលរាជធានីភ្នំពេញ និង ខេត្តព្រះសីហនុ បានរកឃើញ បង្គាដាក់ចាហួយមានសាធាតុគីមី នៅ ផ្សារដើមគរ និង ផ្សារ វាលរិញ យ៉ាងច្រើន កាលពីថ្ងៃទី១៨ ខែធ្នូ ឆ្នាំ ២០១៨នេះ ។ នៅខេត្តព្រះសីហនុ មន្ត្រីកាំកុងត្រូលបានរកឃើញបង្គាដែលមានដាក់លាយចាហួយប៉ះពាល់ដល់សុខភាពចំនួន១៣,៧គីឡូក្រាម ត្រូវបានដកហូតពីអាជីវករលក់ដូរមួយចំនួននៅផ្សារវាលរេញ និង ស្រុកព្រៃនប់ ។
ដោយឡែកនៅរាជធានីភ្នំពេញ មន្ត្រីកាំកុងត្រូល បានចុះពិនិត្យ និង ឆែកឆេរមើលចំណីអាហារ បន្លែផ្លែឈឺ សាច់ និង ទំនិញមួយចំនួនទៀត នៅផ្សារដើមគរ កាលពីថ្ងៃទី១៨ ខែធ្នូ ឆ្នាំ ២០១៨នេះ ដោយបានរកឃើញបង្គាជិត២០គីឡូក្រាម ដែលនៅក្នុងបង្គានោះ បានចាក់ចាហួយចូលក្នុងពោះ ដើម្បីបង្កើនទម្ងន់ និង រកឃើញ ជីរណា ជាច្រើនគីឡូទៀត មានផ្ទុកសារធាតុគីមីហាមឃាត់ ។
ក្រោយពីពិនិត្យបឋមលើមុខទំនិញជាង៤០មុខក្រុមការងារ បានរកឃើញចាហួយចាក់ក្នុងពោះបង្គា ដើម្បីបង្កើនគីឡូជិត២០គីឡូក្រាម ដែលអាជីវករកំពុងដាក់លក់ និង សារធាតុគីមីហាមឃាត់ក្នុង ជីរណាចំនួន ១៨ គីឡូក្រាម ហើយក្រុមការងារក៏សម្រេចដកហូត យកទៅកម្ទេចចោល ។ អាជីវករត្រូវបានមន្ត្រីកាំកុងត្រូលរាជធានីភ្នំពេញឱ្យធ្វើកិច្ចសន្យាបញ្ឈប់លក់ចែកចាយលើទីផ្សារតទៅទៀត ៕ប្រភពFB
